بيىل ەلوردادا يەسىز قالعان 158 نىسان انىقتالدى
بۇل تۋرالى قالالىق اكتيۆتەر جانە مەملەكەتتىك ساتىپ الۋ باسقارماسىنىڭ باسشىسى ەرسىن وتەبايەۆ ءمالىم ەتتى، دەپ حابارلايدى قازاقپارات ءتىلشىسى.
«2019 -جىلدان باستاپ اۋدان اكىمدەرى جانە قۇزىرلى باسقارمالارمەن بىرلەسىپ ەلوردا اۋماعىندا يەسىز قالعان نىسانداردى انىقتاۋ، تىركەۋ جۇمىسى جالعاسىپ كەلەدى. وتكەن جىلى جالپى سوماسى 2 ميلليارد 878 ميلليون تەڭگەنىڭ يەسىز قالعان 680 نىسان جانە 60 بىرلىك ترانسفورماتورلىق قوسالقى ستانسياسى كوممۋنالدىق مەنشىككە قابىلداندى. بيىل 158 يەسىز نىسان انىقتالدى. ونىڭ سوماسى 1,8 ميلليارد تەڭگەنى قۇرايدى»، - دەدى - دەدى ەرسىن وتەبايەۆ قالالىق ءماسليحاتتىڭ قوعامدىق كەڭەسىنىڭ وتىرىسىندا.
باسقارما باسشىسىنىڭ مالىمدەۋىنشە، سوڭعى 2 جىلدىڭ ىشىندە ەلوردا اۋماعىندا قاراۋسىز جاتقان 886 نىسان انىقتالىپ، كوممۋنالدىق مەنشىك رەتىندە قابىلدانىپتى.
«اتاپ ايتقاندا، 180 شاقىرىم ەلەكترمەن جابدىقتاۋ نىسانى، 34 شاقىرىم سۋمەن جابدىقتاۋ، 90 شاقىرىم كارىز جەلىسى، 59 شاقىرىم جىلۋمەن جابدىقتاۋ جەلىسى جانە 2227 قۇدىق بار»، - دەيدى ول.
بۇعان دەيىن ە. وتەبايەۆ ەلوردا ىرگەسىندەگى «جاسىل بەلدەۋ» اۋماعىندا 890151 ءتۇپ اعاش وتىرعىزىلعانىن ايتقان ەدى.
اۆتور: ءالي يبرايەۆ
