باعاسى 158 ميلليون تەڭگە تۇراتىن ەكى كولىكتى يەمدەنىپ العان ەكس-پوليتسەي سوتتالدى
ق ر سىبايلاس جەمقورلىققا قارسى ءىس-قيمىل اگەنتتىگىنىڭ بۇگىن وتكەن ونلاين-بريفينگى بارىسىندا ءمالىم ەتىلگەندەي، تۇركىستان وبلىسى پوليتسيا دەپارتامەنتى كريمينالدىق پوليتسيا باسقارماسى جەكە ادامعا قارسى قىلمىستاردى اشۋ ءبولىمىنىڭ بۇرىنعى باستىعى ر. دۇيسەمبيەۆكە جالپى سوماسى 158 ميلليون تەڭگە بولاتىن «Toyota Camry» جانە «Toyota Land Cruiser Prado» ماركالى اۆتوكولىكتەردى الاياقتىق جولمەن يەمدەنىپ، سەنىمگە قيانات جاسادى دەگەن ايىپ تاعىلعان. شىمكەنت قالاسى ءال-فارابي اۋداندىق سوتىنىڭ بيىلعى 10-ناۋرىزداعى ۇكىمىمەن ر. دۇيسەمبيەۆ كىنالى دەپ تانىلىپ، 5 جىلعا باس بوستاندىعىنان ايىرىلدى.
جازاسىن قاۋىپسىزدىگى ورتاشا مەكەمەدە وتەيدى. سونداي-اق ونىڭ قىلمىستىق جولمەن تابىلعان قاراجاتقا ساتىپ الىنعان مۇلكى تاركىلەنىپ، مەملەكەتتىك قىزمەتتە لاۋازىم يەلەنۋگە ءومىر بويىنا تىيىم سالىندى. بۇدان بولەك، وسى ءىس بويىنشا جەكەنوتاريۋس ج. ابدۋراحمان ق ر ق ك 251-بابىندا كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلىپ، 1 جىل باس بوستاندىعىنان ايىرۋ تۇرىندەگى جازاعا تارتىلدى.