ەفيوپيادا 157 ادامى بار ۇشاق اپاتقا ۇشىرادى
استانا. قازاقپارات - ەفيوپيادا Ethiopian Airlines اۋە كومپانياسىنىڭ نايروبيگە بارا جاتقان ۇشاعى اپاتقا ۇشىرادى، دەپ حابارلايدى «قازاقپارات» ت ا س س اگەنتتىگىنە سىلتەمە جاساپ.
ۇشاق بورتىندا 149 جولاۋشى جانە سەگىز ەكيپاج مۇشەسى بولعان.
«اپات 08:44 تە بولدى»، - دەپ مالىمدەگەن كومپانيانىڭ وكىلى.
اۋە كومپانياسىنىڭ رەسمي سايتى تاراتقان اقپاراتقا سايكەس، ۇشاقتا جالپى 157 ادام بولعان، سونىڭ 149 ى - جولاۋشى.
«الدىن الا تاراتىلعان اقپاراتتار بويىنشا، ۇشاق بورتىندا 149 جولاۋشى جانە سەگىز ەكيپاج مۇشەسى بولعان. قازىر جولاۋشىلاردىڭ ءتىزىمىن انىقتاپ جاتىرمىز» دەلىنگەن حابارلامادا.
Boeing 737 لاينەرى نايروبيگە بارا جاتقاندا وروميا وڭىرىندە، دەبرە-زەيت ەلدى مەكەنىنىڭ ماڭىندا اپاتقا ۇشىراعان.