تۇرىك اسكەرى 157 سودىردىڭ كوزىن جويدى

استانا. قازاقپارات- تۇرىك جاۋىنگەرلەرى يراكپەن شەكارالاس حاككياري پروۆينتسياسىنىڭ چۋكۋردجا اۋدانىندا «كۇردىستان جۇمىسشى پارتياسىنىڭ» 157 سودىرىن قىرىپ سالدى.

 بۇل تۋرالى ەلدىڭ قارۋلى كۇشتەرى ءمالىم ەتتى، دەپ حابارلايدى ارنامىزدىڭ تۇركياداعى مەنشىكتى ءتىلشىسى ەرجان ءجۇنىس.

 ەستەرىڭىزدە بولسا، وتكەن سەنبىدە ءبىر توپ كۇرد جاساعى جاۋىنگەرلەرگە وق جاۋدىرىپ، قارۋلى قاقتىعىستا 7 اسكەر قازا بولعان. سونىڭ سالدارىنان ايماقتا اۋە مەن قۇرلىق ارقىلى اۋقىمدى اسكەري وپەراتسيا باستالىپ، سودىرلارعا تيەسىلى ەكى زەنيتتىك ارتيللەريا 7 كالاشنيكوۆ اۆتوماتى مەن قولدان جاسالعان 17 بومبا جانە زەڭبىرەكتەر مەن وق- دارىلەر تاركىلەنگەن.

www.24.kz