جەر سىلكىنىسىنەن 156 مىڭ عيمارات قيراعان - تۇركيا ەلشىسى
بۇل تۋرالى ەلشىلىكتە وتكەن بريفينگىدە تۇركيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ۋفۋك ەكيدجي ايتتى، دەپ حابارلايدى قازاقپارات ءتىلشىسى.
«تۇركيادا قازىر عيماراتتارعا كەلتىرىلگەن زالالدى انىقتاۋ جۇمىستارى جالعاسىپ جاتىر. بۇگىنگە دەيىن 1 ميلليون 188 مىڭعا جۋىق عيمارات زەرتتەلدى. ونىڭ ىشىندە 156 مىڭ عيمارات قيراعان نەمەسە قۇلاۋ قاۋىپىنىڭ الدىندا تۇر»، - دەپ ءمالىم ەتتى ەلشى.
قوسا كەتەيىك، ول سونىمەن بىرگە تۇركيا حالقىنا كومەك رەتىندە قازاقستاندىقتار 5 ميلليون دوللار جيناعانىن ايتتى. ۋفۋك ەكيدجي قولداۋ بىلدىرگەن ەل ۇكىمەتى مەن بارشا ازاماتتارىمىزعا العىس ءبىلدىردى.
ەسكە سالايىق، 6-اقپاندا كاحرامانماراشتا ماگنيتۋداسى 7 بالدان اساتىن ەكى جەر سىلكىنىسى بولدى. جەراستى دۇمپۋلەرى ەلدىڭ 10 پروۆينتسياسىندا، سونداي- اق كورشىلەس مەملەكەتتەردە، سونىڭ ىشىندە سيريادا دا سەزىلدى.
قازاقستاندىقتار ءزىلزالادان زارداپ شەككەن تۇركيا حالقىنا كومەك كورسەتۋ ءۇشىن 5 ميلليون دوللار جينادى.
