08:05, 13 - اقپان 2023 | GMT +6
تۇركيادا 155 ساعات ءۇيىندى استىندا جاتقان بالا قۇتقارىلدى
گازيانتەپ. انادولى - قازاقپارات - گازيانتەپتەگى نۋرداعى اۋدانىندا جەر سىلكىنىسى بولعان سوڭ 155 ساعات وتكەننەن كەيىن 8 جاسار بالا ءۇيىندى استىنان امان قۇتقارىلدى، دەپ حابارلايدى قازاقپارات انادولىعا سىلتەمە جاساپ.
8 جاسار ۇل تۇرعىن ءۇي ءۇيىندىسى استىنان شىعارىلعان.
زارداپ شەككەن بالا اۋرۋحاناعا جاتقىزىلدى.
ەسكە سالساق، 6-اقپاندا تۇركيادا جەتى بالدان اساتىن ەكى جەر سىلكىنىسى بولدى. جۇزدەگەن افتەرشوكپەن جالعاسقان جەراستى ءدۇمپۋى ەلدىڭ 10 پروۆينتسياسىندا، سونداي-اق كورشىلەس مەملەكەتتەردە دە سەزىلدى. سونىڭ ءبىرى - سيريا، ونداعى قۇرباندار سانى 3574 كە جەتتى.
ايتا كەتسەك، قازاقستان توتەنشە جاعدايلار مينيسترلىگىنىڭ قۇتقارۋشىلارى دا تۇركيادا ىزدەستىرۋ- قۇتقارۋ جۇمىستارىن جۇرگىزىپ جاتىر. ولار 7 ادامدى قۇتقارىپ، مەديتسينا قىزمەتكەرلەرىنە تاپسىردى. قايتىس بولعان 19 ادامنىڭ، ونىڭ ىشىندە ءبىر بالانىڭ دەنەسى ءۇيىندى استىنان شىعارىلدى.
سوڭعى مالىمەت بويىنشا تۇركيادا ءزىلزالادان كوز جۇمعان سانى 30 مىڭعا جۋىقتادى.