تۋ-154 ۇشاعىنىڭ اپاتى سوچيدىڭ تۋريزم سالاسىنا اسەر ەتە مە؟
بۇل نەگىزىنەن كوپشىلىك مەملەكەت وكىلدەرىنىڭ سوچيگە جاڭاجىلدىق جولدامالاردى الىپ قويۋىمەن بايلانىستى بولىپ وتىر.
ماسكەۋدىڭ تۋريزم اگەنتتىگى وكىلدەرىنىڭ ءبىرى وسى وقيعاعا بايلانىستى جولدامادان باس تارتۋ ارەكەتتەرىنىڭ بولماعاندىعىن، الايدا كوپشىلىك تاراپىنان بولعان جاعدايعا الاڭداپ حابارلاسۋشىلار تاراپىنان سوعىلعان قوڭىراۋلاردىڭ كوپ بولعاندىعىن ايتتى.
مامانداردىڭ پىكىرلەرىنشە، وسىعان دەيىنگى بولعان اۋە اپاتتارىنىڭ تاجىريبەسى قايعىلى وقيعانىڭ اسەرىنەن اجىراۋ ءۇشىن ازاماتتارعا كەمىندە ەكى اپتا ۋاقىت كەرەك ەكەندىگىن كورسەتىپ وتىر.
دەگەنمەن، تۋريزم نارىعى وكىلدەرىنىڭ ايتۋىنشا، تۋريستەر سانىنىڭ كەمي ءتۇسۋ جاعدايى الداعى ۋاقىتتا بولۋى مۇمكىن. ال، قازىرگى جاعداي وزگەرىسسىز قالا بەرەرى انىق. ويتكەنى ازاماتتاردىڭ كوپشىلىگى جولدامالارىن الىپ قويعان.
مەرەكە بولسا تاياپ قالدى. جاڭا جىلعا ءبىر-ەكى كۇن قالعاندا قانداي دا ءبىر وزگەرىس بولا قويمايتىنى انىق. ونىڭ ۇستىنە جولداما قايتارىلعان جاعدايدا ونىڭ ايىپپۇلىن تولەۋ قاجەت بولادى.
ال، مەرەكەنىڭ قارساڭىندا الدىن الا بەلگىلەنگەن جوسپارلارىن بۇزىپ، مەرەكەلىك كوڭىل-كۇيدى بۇزۋعا ەشكىم دە مۇددەلى ەمەس.
