08:54, 06 - ماۋسىم 2015 | GMT +5
تۇركياداعى لاڭكەستىك ارەكەتتەن زارداپ شەككەندەر سانى 153 كە جەتىپ، 2 ادام قازا تاپتى
استانا. قازاقپارات - تۇركيانىڭ ديارباكىر قالاسىنداعى حالىقتىق-دەموكراتيالىق پارتيانىڭ ميتينگىندە بولعان ەكى لاڭكەستىك ارەكەتتىڭ سالدارىنان زارداپ شەككەندەر سانى 153 ادامعا جەتتى.
سونداي-اق ەكى ادام، ونىڭ ىشىندە 16 جاستاعى بوزبالا كوز جۇمدى، دەپ حابارلايدى ر ي ا نوۆوستي قالالىق دەنساۋلىق ساقتاۋ دەپارتامەنتىنە سىلتەمە جاساپ.
«153 ادام جاراقاتتاندى، ونىڭ 25 ىنىڭ جاعدايى كۇردەلى، ومىرلەرىنە قاۋىپ ءتونىپ تۇر»، - دەپ حابارلادى دەپارتامەنت وكىلى.
العان جاراقاتتاردىڭ سالدارىنان ەكى ادام كوز جۇمدى. قازىر قالادا پارتيا جاقتاۋشىلارىنىڭ ميتينگى جالعاسىپ جاتىر. ولار كىنالىلەردى انىقتاپ، جازالاۋدى تالاپ ەتۋدە.
