كورەيا استاناسىندا حەللوۋين مەرەكەسىن تويلاۋ كەزىندە 151 ادام مەرت بولدى
بۇل تۋرالى قازاقپارات سولتۇستىك كورەيانىڭ Yonhap اگەنتتىگىنە سىلتەمە جاساپ حابارلايدى.
يۋن يتحەۆون اۋدانىندا تار كوشەدە ادامدار توبىنىڭ مەرەكەگە كەلگەن بالالاردى تاپتاپ كەتۋ وقيعاسىنان سوڭ ەل حالقىنا پرەزيدەنت عيماراتىنان تىكەلەي ەفير ارقىلى حابارلاسىپ، مالىمدەمە جاسادى.
«بۇل - ماسقارا! سەنبى كۇنگى قايعىلى جاعداي ەشقاشان بولماۋى كەرەك ەدى»، - دەدى يۋن.
«ادامداردىڭ ءومىرى مەن قاۋىپسىزدىگى ءۇشىن جاۋاپتى تۇلعا رەتىندە بۇل جاعداي ماعان وتە اۋىر ءتيدى جانە ماعان بۇل سەزىمنەن ايىعۋ وڭاي بولماي تۇر»، - دەدى ەل پرەزيدەنتى.
«ۇكىمەت بۇگىننەن باستاپ جاعداي تولىق باقىلاۋعا الىنعانعا دەيىنگى ارالىقتى قارالى كۇن دەپ جاريالايدى جانە ءبىرىنشى كەزەكتە قالپىنا كەلتىرۋ مەن ودان كەيىنگى شارالاردىڭ اكىمشىلىك ماسەلەلەرىنە ءجىتى كوڭىل بولەدى».
مەملەكەت باسشىسى قازا تاپقانداردىڭ جاقىندارىنا كوڭىل ايتىپ، جاراقات العانداردىڭ تەزىرەك جازىلىپ كەتۋىن تىلەدى. ول ەل ۇكىمەتىنىڭ مەرت بولعانداردى جەرلەۋگە دايىندىق شارالارىن قولعا الىپ، جەدەل جاردەم قىزمەتتەرىن تولىقتاي جاراقات العانداردى ەمدەۋگە جۇمىلدىراتىنىن ايتتى. سونداي- اق قاجەت ادامدارعا مەملەكەتتىك قىزمەتشىلەر جەكەلەي دە كومەك كورسەتەدى.
«قازىر ەڭ باستىسى اپاتتىڭ سەبەپ- سالدارىن انىقتاپ، ونىڭ قايتالانۋىنىڭ الدى الۋ»، - دەدى ول.
«ءبىز بۇل اپاتتىڭ شىعۋ سەبەبىن جان- جاقتى تەكسەرىپ، ەندى ونىڭ ەكىنشى قايتالانباۋى ءۇشىن جۇيەلى وزگەرىستەر ەنگىزەمىز».
پرەزيدەنت سونداي- اق ىشكى ىستەر ءمينيسترى مەن وزگە دە قۇزىرلى ورگاندارعا حەللوۋين مەرەكەسىن تويلاۋ وقيعالارىنىڭ بارلىعىن، سونداي- اق وزگە دە فەستيۆالداردىڭ ءساتتى ءوتۋى مەن قاۋىپسىزدىگىن قامتاماسىز ەتۋ ءۇشىن جەدەل تەكسەرۋ جۇرگىزۋدى تاپسىراتىنىن ايتتى.
مالىمدەمەسىنەن سوڭ پرەزيدەنت بىردەن اپات بولعان جەرگە بارىپ، ارتىنان ۇكىمەتتىڭ جاۋاپتى ماجىلىسىنە ءتوراعالىق ەتۋ ءۇشىن سەۋلدىڭ ورتالىعىنداعى ۇكىمەت كەشەنىنە كەتتى.
ول سونداي- اق بارلىق ۇكىمەتتىڭ مەكەمەلەرگە تۋلاردى ءتۇسىرۋ تۋرالى بۇيرىق بەردى.
سەۋل ۇكىمەتى جەكسەنبى كۇنى يتحەۆون اۋدانىندا حەللوۋين مەرەكەسىن تويلاۋ كەشىندە بولعان قايعىلى جاعدايعا بايلانىستى 355 ادامنىڭ جوعالعانى تۋرالى حابارلاما العانىن مالىمدەدى.
ءورت سوندىرۋشىلەردىڭ حابارلاۋىنشا، سەنبى كۇنى كەشكە حەللوۋين مەرەكەسىن تويلاۋ ءۇشىن تار كوشەدە كوپ ادام جينالىپ، سىعىلىسۋىنىڭ سالدارىنان كەمىندە 151 ادام قازا تاۋىپ، تاعى 82 ادام زارداپ شەكتى.
قالا بيلىگى حەللوۋين مەرەكەسىندەگى وقيعادان كەيىن ءىز- ءتۇزسىز جوعالعاندار تۋرالى حابارلاما الىپ، ولاردى پوليتسياعا تاپسىرىپ وتىرعانىن مالىمدەدى.
«مەرەكە كەزىندە قازا بولعانداردىڭ وتباسىلارىنا قولداۋ كورسەتۋ ءۇشىن شامامەن 50 اۋرۋحاناعا 60-قا جۋىق قىزمەتكەر جىبەرىلدى. قازا بولعانداردىڭ كوبى - جاسوسپىرىمدەر»، - دەلىنگەن حابارلامادا.
سىرتقى ىستەر مينيسترلىگى سەۋلدە قازا بولعانداردىڭ اراسىندا قازاقستاندىقتار تۋرالى مالىمەت جوق دەپ مالىمدەدى.
كورەيا رەسپۋبليكاسىنداعى ق ر ەلشىلىگىنىڭ كونسۋلدىق ءبولىمى تاۋلىك بويى جۇمىس رەجيمىنە اۋىستىرىلدى. كورەيالىق قۇزىرەتتى ورگاندارمەن تۇراقتى بايلانىستا بولاتىن جەدەل شتاب قۇرىلدى. ديپلوماتتار كونسۋلدىق ەسەپتە تۇرعان قازاقستاندىقتارعا حابارلاسىپ جاتىر.
اۆتور
ايدار وسپاناليەۆ
