الماتى وبلىسىندا 151 شەتەلدىك ازامات ەلدەن شىعارىلدى
الماتى وبلىسىنىڭ ءتارتىپ ساقشىلارى 1-5 اقپان ارالىعىندا «ميگرانت» جەدەل الدىن الۋ ءىس- شاراسىن جۇرگىزدى. ارنايى شارانىڭ باستى ماقساتى - ەلىمىزگە كەلگەن شەتەلدىكتەردىڭ قولدانىستاعى زاڭناما تالاپتارىن قاتاڭ ساقتاۋىن باقىلاۋ، ءتيىستى رۇقساتىن بەرۋ جانە ازاماتتىق الۋ ىسىنە قولداۋ كورسەتۋ.
«بەس كۇن ىشىندە ەلىمىزدىڭ زاڭناماسىن بۇزۋدىڭ 422 دەرەگى اشكەرە بولدى. زاڭ تالاپتارىن ورەسكەل بۇزعان 151 شەتەلدىك ازامات ەلدەن شىعارىلدى. جەكە باسىن كۋالاندىراتىن قۇجاتى جوق 80 ادام قابىلداۋ- تاراتۋ ورنىنا قامالدى. ەلىمىزدە ءجۇرىپ- تۇرۋ قۇقىعى جوق 13 ت م د ازاماتى ەل شەكاراسىنان شىعارىلدى» دەيدى الماتى وبلىسى پ د كوشى- قون قىزمەتى باسقارماسى باستىعىنىڭ ورىنباسارى، پوليتسيا پولكوۆنيگى ەلمۇرات نۇرسەيىتوۆ.
جەدەل شارا بارىسىندا پوليتسەيلەر زاڭسىز كوشى- قون ۇيىمداستىرۋدىڭ 3 دەرەگىن انىقتاعان. قازىرگى ۋاقىتتا ق ر قىلمىستىق كودەكسىنىڭ 394-بابىنا سايكەس سوتقا دەيىنگى تەرگەۋ جۇرگىزىلىپ، ءىستىڭ ءمان- جايى انىقتالىپ جاتىر. سونىمەن قاتار، 183 ادام اكىمشىلىك جاۋاپكەرشىلىككە تارتىلىپ، ءارتۇرلى سومادا ايىپپۇل تولەۋگە مىندەتتەلدى.