بىلتىر قازاقستان قارۋلى كۇشتەرى 150 دەن استام جاڭا اسكەري تەحنيكا ساتىپ العان

استانا. قازاقپارات - قورعانىس ءمينيسترىنىڭ ورىنباسارى رۋسلان شپەكبايەۆ ءماجىلىس دەپۋتاتتارىنىڭ ساۋالىنا بەرگەن جاۋابىندا 2022 -جىلى قارۋلى كۇشتەر قانشا تەحنيكا ساتىپ الىنعانى تۋرالى مالىمەت بەردى، دەپ حابارلايدى قازاقپارات ءتىلشىسى.

«قارۋلى كۇشتەردىڭ جاۋىنگەرلىك ازىرلىگى جىلدان جىلعا ارتىپ كەلەدى. ول ءۇشىن بيۋدجەتتە 20 ميلليارد تەڭگەدەن استام قاراجات كوزدەلگەن. جاۋىنگەرلىك ازىرلىك قارقىنىن ارتتىرۋ ءۇشىن جارتىجىلدىق وقۋ تسيكلى ەنگىزىلدى، ول اسكەري بولىمدەردىڭ جانە اسكەري قىزمەتشىلەردىڭ دايارلىعى ساپاسىن ارتتىرا ءتۇستى. اسكەردە قازىرگى زامانعى وقىتۋ ادىستەمەسى ەنگىزىلىپ، رەسۋرستى ۇنەمدەۋ ءۇشىن پوليگون جابدىعى مەن وقۋ ترەناجەرلەرىنىڭ سانى ۇلعايتىلىپ جاتىر»، - دەپ جازادى ءمينيستردىڭ مىندەتىن ۋاقىتشا اتقارۋشى.

ايتۋىنشا، بىلتىر ساتىپ الىنعان تەحنيكانىڭ ىشىندە اسكەري ۇشاۇقتار مەن زەنيتتىك- زىمىران كەشەنى دە بار.

«2022 -جىلى قارۋلى كۇش قۇرامالارى مەن اسكەري بولىمدەرىنە 150 دەن استام جاڭا اسكەري تەحنيكا ساتىپ الىندى، ونىڭ ىشىندە كوپفۋنكتسيونالدى س ۋ-30 س م ۇشاقتارى، ت و ر- م2ە زەنيتتىك- زىمىران كەشەنى، «ارلان» بروندى دوڭگەلەكتى ماشينالارى، GM-403 راديولوكاتسيا ستانتسياسى، روبوتوتەحنيكا كەشەنى جانە باسقا بار. بۇدان باسقا، 10 مىڭنان استام ارنايى قۇرال مەن قازىرگى زامانعى بايلانىس قۇرالدارى قارۋ- جاراققا الىندى. سونىمەن قاتار، 90 نان استام اسكەري تەحنيكا كۇردەلى جوندەۋدەن جانە جاڭعىرتۋدان وتكىزىلدى»، - دەلىنگەن جاۋاپتا.