كوپبالالى جانە تۇرمىسى تومەن وتباسىلار ءۇشىن 150 گە جۋىق جەر ءۇي سالىنادى
ايماق باسشىسى دانيال احمەتوۆ كوپبالالى جانە تۇرمىسى تومەن وتباسىلاردى باسپانامەن قامتۋ ماسەلەسى بويىنشا جينالىس وتكىزدى.
«ءبىر قاباتتى شىعىس» باعدارلاماسى اياسىندا بىرنەشە جوبا ازىرلەنگەن. بۇل باعدارلاما ءوز ناتيجەلىلىگىن دالەلدەدى. ۇيلەر جايلى، جىلى، تۇرۋعا ىڭعايلى. بۇگىنگى تاڭدا بۇل ۇيلەردە تارباعاتاي اۋدانىندا – 48، زايسان اۋدانىندا – 41، ۇلان اۋدانىندا – 21، كۇرشىم اۋدانىندا – 14، كاتونقاراعاي، التاي، شەمونايحا اۋداندارىندا – 5، سامار، گلۋبوكوە اۋداندارىندا - 4 كوپبالالى وتباسى تۇرادى»، - دەدى وبلىس اكىمى.
دانيال احمەتوۆ اۋدان اكىمدەرىنە تاعى دا وتباسىلارمەن كەزدەسۋ وتكىزىپ، تالاپ-تىلەكتەرىن تىڭداۋدى تاپسىردى.
«تاعى جوبالار دايىنداۋ كەرەك. قۇرىلىسقا ارنالعان ۋچاسكەلەردە كوممۋنيكاتسيا جاعى تولىقتاي ويلاستىرىلعان بولۋى ءتيىس. وڭىردەگى قۇرىلىس كومپانيالارىندا وسىنداي ۇيلەردى سالۋ تاجىريبەسى بار. سوندىقتان جاقىن ارادا كەزەكتى جينالىس وتكىزىپ، وندا ءبىز كوپبالالى جانە از قامتىلعان وتباسىلار ءۇشىن 147 ءۇيدىڭ قۇرىلىسىن باستاۋ مەرزىمىن بەلگىلەيمىز»، - دەدى ول.
