15:08, 06 - قىركۇيەك 2021 | GMT +6
قازاقستاندا پوليتسەيلەر ىزدەۋدە جۇرگەن 150 قىلمىسكەردى ۇستادى
نۇر-سۇلتان. قازاقپارات - پوليتسەيلەر ىزدەۋدە جۇرگەن 150 قىلمىسكەردى ۇستادى.
بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى.
رەسمي وكىل جەتى كۇندىك «قۇقىقتىق ءتارتىپ» جەدەل الدىن الۋ ءىس-شاراسى اياقتالعانىن جەتكىزدى.
«وسى ورايدا اتالعان مەرزىمدە «ءىزىن سۋىتپاي» 2330 قىلمىس، سونداي-اق ەرتەرەكتە جاسالعان 584 قىلمىستىڭ بەتى اشىلدى. ىزدەۋدە بولعان 150 قىلمىسكەر ۇستالدى»، - دەدى نۇردىلدا وراز اپتالىق ونلاين بريفينگىدە. ونىڭ ايتۋىنشا، تىيىم سالىنعان زاتتار مەن قارۋ-جاراقتى انىقتاۋ بويىنشا جەدەل ىزدەستىرۋ ءىس-شاراسى وتكىزىلدى. بۇدان بۇرىن حابارلانعانداي، ءبىر اپتا ىشىندە ەل اۋماعىندا 3012 قىلمىس تىركەلدى، ونىڭ 2040 ى تاۋلىك ىشىندە اشىلدى.
اۆتور: رۋسلان عابباسوۆ