بيىل قازاقستاندا جانۋارلار مەن قۇستارعا 150 ميلليوننان استام ەكپە سالىنادى
«جانۋارلاردىڭ اسا قاۋىپتى اۋرۋلارىنىڭ الدىن الۋ جانە دياگنوستيكالاۋ جونىندەگى ۆەتەريناريالىق ءىس- شارالار جوسپارىنا سايكەس، 2021 -جىلى جانۋارلار مەن قۇستاردى ۆاكسينالاۋ بويىنشا 150 ميلليوننان استام مانيپۋلياتسيا، سونداي- اق 68 ميلليوننان استام دياگنوستيكالىق زەرتتەۋلەر جۇرگىزىلەتىن بولادى. قازاقستان اۋماعىن باسقا مەملەكەتتەردەن جانۋارلاردىڭ جۇقپالى جانە ەكزوتيكالىق اۋرۋلارىنىڭ تارالۋىنان قورعاۋ، ۆەتەريناريالىق- سانيتاريالىق قاۋىپسىزدىكتى قامتاماسىز ەتۋ، حالىقتىڭ دەنساۋلىعىن جانۋارلار مەن ادامعا ورتاق اۋرۋلاردان قورعاۋ ءۇشىن رەسپۋبليكانىڭ ۆەتەريناريالىق قىزمەتى ۆەتەريناريالىق- پروفيلاكتيكالىق ءىس- شارالار ۇيىمداستىرىپ، مالدى ۋاقتىلى دياگنوستيكالاۋ جانە ۆاكسينالاۋ جۇمىستارىن جۇرگىزەدى»، دەلىنگەن حابارلامادا.
ق ر اۋىل شارۋاشىلىعى مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتى وسىعان بايلانىستى جىل سايىنعى يممۋندىق الدىن الۋ ءىس- شارالارىن جۇرگىزۋ ءۇشىن سەرتيفيكاتتالعان ۆەتەريناريالىق پرەپاراتتارمەن قامتاماسىز ەتەدى.
«حالىقارالىق ەپيزووتيالىق بيۋرونىڭ تىزىلىمىنە ءتۇرلى اۋرۋلار مەن ينفەكسيالاردىڭ 88 ءتۇرى ەنگىزىلگەن. قازاقستاندىق تىزىلىمدە تەك 68 ءتۇرى تىركەلگەن. ولار ءبىزدىڭ ەلىمىزدە كەڭەس وداعى كەزىنەن بەرى كەلە جاتىر. قازىرگى ۋاقىتتا ونىڭ 45 ءتۇرى بويىنشا ەپيزووتيالىق جاعدايى تۇراقتى. ال، 23 تۇرىنە دياگنوستيكا جانە ۆاكسينالاۋ بويىنشا ارنايى ۆەتەريناريالىق- پروفيلاكتيكالىق ءىس- شارالار جۇرگىزىلىپ جاتىر. ونىڭ ىشىندە جانۋارلار مەن قۇستاردى ۆاكسينالاۋ بويىنشا 151,1 ميلليوننان مانيپۋلياتسيا، سونداي- اق 68,1 ميلليوننان دياگنوستيكالىق زەرتتەۋلەر جۇرگىزۋ جوسپارلانىپ وتىر»، دەلىنگەن حابارلامادا.
منيسترلىكتىڭ حابارلاۋىنشا، ءتيىستى جۇمىستى جەرگىلىكتى اتقارۋشى ورگاندار جانىنداعى مەملەكەتتىك ۆەتەريناريالىق ۇيىم بيىل اقپان- ناۋرىز ايلارىندا باستايدى.
اۆتور: اياۋلىم التىنبەك