نۇر- سۇلتانعا ۇشىپ كەلگەن تاعى 150 ادام كارانتين ستاتسيونارىنا جەتكىزىلدى

«وتكەن تاۋلىكتە نۇر- سۇلتانعا 7 ۇشاق كەلىپ قوندى. اۋە رەيستەرىن Air Astana, Turkish Airlines جانە Flydubai اۋە كومپانيالارى ورىندادى. ەكيپاجدى قوسقاندا جالپى 789 جولاۋشى ۇشىپ كەلدى. ولاردىڭ ىشىندە 150 ادامدا پ ت ر- تەست انىقتاماسى بولعان جوق. وسى سەبەپتى ولار كارانتين ستاتسيونارىنا جەتكىزىلدى. ەگەر اتالعان ادامداردا كوروناۆيرۋس انىقتالماسا - ۇيىنە قايتادى، انىقتالسا - ينفەكسيالىق ستاتسيونارعا جاتقىزىلادى»، - دەپ حابارلايدى نۇرسۇلتان نازاربايەۆ حالىقارالىق اۋەجايى.

ايتا كەتەيىك، كۇن سايىن ەلورداعا شەتەلدەن ۇشىپ كەلگەن 100-دەن اسا جولاۋشى كارانتين ستاتسيونارىنا جاتقىزىلۋدا. كۇنى كەشە استاناعا 569 ادام ۇشىپ كەلىپ، پ ت ر- تەست انىقتاماسى بولماعاندىقتان ونىڭ ىشىندە 118- ءى كارانتينگە جاتقىزىلعان ەدى. نۇرسۇلتان نازاربايەۆ حالىقارالىق اۋەجايى مەملەكەتتىك ورگاندارمەن بىرگە كوروناۆيرۋس ينفەكسياسىنىڭ الدىن الۋ ءۇشىن ناقتى شارالار كەشەنىن جۇزەگە اسىرۋدا:

* جولاۋشىلار مىندەتتى تۇردە تەرمومەتريادان ءوتۋى كەرەك. ول ءۇشىن تەپلوۆيزورلىق سمارت- كامەرالار قولدانىلادى.

* جولاۋشىلار تەرمينالىندا تاۋلىك بويى سانيتارلىق- كارانتيندىك بەكەت بريگادالارى كەزەكشىلىكتە جۇرەدى.

* ىشكى جانە حالىقارالىق رەيستەردە ۇشۋ جانە قونۋ اۋماعىتارىندا جولاۋشىلارعا ارنالعان سانيتايزەرلەر ورناتىلعان.

* جولاۋشىلاردى تىركەۋ، سونىمەن قاتار نۇرسۇلتان نازاربايەۆ حالىقارالىق اۋەجايىنىڭ اۋماعىندا 1,5 مەترلىك الەۋمەتتىك قاشىقتىقتى قامتاماسىز ەتۋ ءتارتىبى ەدەندە ناقتى سىزبامەن كورسەتىلگەن.

* اۋەجايدىڭ ىشكى اۋماعىن ارنايى دەزينفەكتسيالىق قۇرالداردى پايدالانا وتىرىپ، سانيتارلىق وڭدەۋ جيىلىگى ارتتى. ۆيرۋسقا قارسى بەلسەندىلىككە يە انتيسەپتيك قولدانىلادى.

* نۇرسۇلتان نازاربايەۆ حالىقارالىق اۋەجايىنا كەلەتىن اۋە كەمەلەرىنىڭ ءبارى دە دەزينفەكتسيالىق وڭدەۋدەن وتەدى. سونىمەن قاتار تۇراقتى تۇردە جولاۋشىلارعا قىزمەت كورسەتەتىن تەحنيكادا دەزينفەكتسيالىق جۇمىستار جۇرگىزىلەدى.

* كوروناۆيرۋس ينفەكسياسىنىڭ تارالۋىنىڭ الدىن الۋ بويىنشا اۋەجاي قىزمەتكەرلەرىمەن نۇسقاۋلىق جۇرگىزىلەدى.

اۆتور: ايان بەكەن ۇلى