اقمولادا 150 دەن استام ساداقشىنىڭ قاتىسۋىمەن ق ر چەمپيوناتى وتۋدە
«سوڭعى جىلدارى اقمولا وبلىسىندا ساداق اتۋ سياقتى ءداستۇرلى سپورت تۇرلەرى كەڭىنەن قانات جايۋدا. 2017 -جىلى «اقمولا وبلىسىنىڭ «التىن جەبە» ساداق اتۋ فەدەراتسياسى» قوعامدىق بىرلەستىگى قۇرىلدى. سول سەبەپتى سەلينوگراد اۋدانىنىڭ ورتالىعى اقمول اۋىلىندا ساداق اتۋدان جاستار مەن كادەتتەر اراسىندا ق ر چەمپيوناتىن وتكىزۋ قولعا الىنىپ وتىر» ، - دەيدى وڭىرلىك كوممۋنيكاتسيالار قىزمەتى.
ۇيىمداستىرۋشىلار اتالمىش سپورت ءتۇرىن جاستار اراسىندا ناسيحاتتاي وتىرىپ، حالىقارالىق جارىستارعا مىقتى سپورتشىلاردى ىرىكتەپ الماقشى.
جارىس استانانىڭ 20 جىلدىعى، سەلينوگراد اۋدانىنىڭ 90 جىلدىعى جانە ەلىمىزدەگى ساداق اتۋ سپورتىنىڭ 50 جىلدىعىنا ارنالىپ وتىر. جارىسقا استانا مەن الماتى قالالارى، اقمولا، پاۆلودار، شىعىس قازاقستان، تۇركىستان، قاراعاندى جانە الماتى وبلىستارىنان 150 دەن استام ساداقشى قاتىسۋدا.
«چەمپيوناتتىڭ اشىلۋى سالتاناتىنا سەلينوگراد اۋدانىنىڭ اكىمى مالعاجدار تاتكەيەۆ، ق ر ۇ و ك سپورت ديرەكتسياسىنىڭ ديرەكتورى ەلسيار قاناعاتوۆ قاتىسىپ، قۇتتىقتاۋ ءسوز سويلەدى. سونداي- اق، قۇرمەتتى قوناقتاردىڭ اراسىندا اقمولا وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى اسەت بۇكىبايەۆ، ۇ و ك سپورت ديرەكسياسى ديرەكتورىنىڭ ورىنباسارى بولات حاۆلاحات، ساداق اتۋ تۋرنيرىنىڭ باس تورەشىسى ولگا لي، ق ر سپورت شەبەرى جانە ۇلتتىق قۇرامانىڭ مەملەكەتتىك جاتتىقتىرۋشىسى ەدىل تەمىربەكوۆ، اقمولا وبلىسىنىڭ «التىن جەبە» ساداق اتۋ فەدەراتسياسىنىڭ ۆيتسە- پرەزيدەنتى، «رودينا» اگروفيرماسى» ج ش س باس ديرەكتورى يۆان ساۋەر بار. چەمپيونات تامىزدىڭ 9-10 ارالىعىنا دەيىن جالعاساتىن بولادى» دەپ كورسەتىلگەن حابارلامادا.
