قازاقستاندا كيىك سانى 150 مىڭنان استى
استانا. قازاقپارات - قازاقستاندا كيىك سانى 152 مىڭعا جەتىپ وتىر. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر اۋىل شارۋاشىلىعى ۆيتسە- ءمينيسترى ەرلان نىسانبايەۆ ايتتى،
دەپ حابارلايدى قازاقپارات.
ۆيتسە- ءمينيستردىڭ دەرەگىنشە، قازاقستاندا 687 اڭشىلىق شارۋاشىلىعى بار، جابايى اڭ- قۇس وسىرۋمەن ولاردىڭ 18- ءى نەمەسە 2,3 پايىزى عانا اينالىسادى.
«اڭشىلىق شارۋاشىلىعى قىزمەتىنە قارقىن بەرۋ ءۇشىن بيىل فەرمەرلىك اڭشىلىق شارۋاشىلىعى ۇعىمى زاڭنامالىق تۇرعىدا ەنگىزىلدى جانە دە ونى دامىتۋ ماقساتىندا قاجەتتى شارالار قولدانىلۋدا. ونىڭ ىشىندە ءبىر اڭشىلىق شارۋاشىلىعىنا بەكىتىپ بەرۋ كەزىندە اڭشىلىق شارۋاشىلىقتارىنىڭ وڭتايلى القابىن انىقتاۋ ادىستەمەسى ازىرلەندى. بۇگىنگى تاڭدا اڭشىلىق شارۋاشىلىقتارىنىڭ القاپتارى 5 مىڭ گەكتاردان 1,5 ميلليون گەكتارعا دەيىن قۇبىلادى»، - دەدى ول.
سونىمەن قاتار ونىڭ ايتۋىنشا، سيرەك كەزدەسەتىن جانۋارلار تۇرلەرىن كەيىننەن تابيعي ورتاعا قايتارا وتىرىپ، ولاردى فەرمەرلىك اڭشىلىق شارۋاشىلىقتارىندا پايدالانۋ ءۇشىن كوممەرتسيالىق ماقساتتاردا الۋعا رۇقسات ەتىلدى.
«2015 - جىلعى كيىكتەردىڭ ءولىم- جىتىمىنەن كەيىن ولاردىڭ سانىن كوبەيتۋ جونىندە شارالار قولدانىلۋدا جانە بۇگىن تاڭدا ولاردىڭ سانى 108 مىڭنان 152 مىڭ داراققا دەيىن كوبەيدى»، - دەدى ەرلان نىسانبايەۆ.
اۆتور: مارلان جيەمباي
