كەلەسى جىلى استانادا 150 اپاتتى ءۇي سۇرىلەدى
جوسپارلانعانداي، كەلەسى جىلى ەلوردادا 150 كوپپاتەرلى ەسكى ءۇي بۇزىلادى، سوعان وراي 600 مىڭ شارشى مەترلىك 8500 پاتەر پايدالانۋعا بەرىلەدى.
اپاتتى ۇيلەردىڭ يەلەرىنە بۇرىنعى ەسكى پاتەردىڭ ورنىنا ءسۇرىلىپ تاستالعان ءۇيدىڭ اۋماعىنا سايكەستەندىرىلگەن باسپانا بەرىلەتىن بولادى.
«بۇل 1940-1980-جىلدار ارالىعىندا سالىنعان نەگىزگى قۇرىلىس قۇرىلعىلارى جانە ينجەنەرلىك جۇيەلەر ابدەن توزعان ۇيلەر. ول ۇيلەر ادام ومىرىنە قاۋىپ توندىرەدى دەپ تانىلىپ، ءارى قاراي وندا تۇرۋعا رۇقسات ەتىلمەدى. سول سەبەپتەن دە ءسۇرىپ تاستاۋعا جاتادى. پيلوتتىق جوبانىڭ شارتتارى بويىنشا ۇيلەردىڭ يەلەرىنە ءسۇرىلىپ تاستالعان ءۇيدىڭ اۋماعىنا سايكەستەندىرىلگەن باسپانا بەرىلەتىن بولادى»، - دەدى قالالىق تۇرعىن-ءۇي باسقارماسىنىڭ باسشىسى اسحات ەلەۋجانوۆ.
جىل سوڭىنا دەيىن ەلوردادا «اپاتتى ۇيلەردى ءسۇرىپ تاستاۋ» پيلوتتىق جوباسىنىڭ ءبىرىنشى كەزەڭىن ىسكە اسىرۋ بويىنشا 228 ءۇيدى ءسۇرىپ تاستاۋ جوسپارلانۋدا. ءسۇرىپ تاستاۋعا جاتاتىن ۇيلەردىڭ كوبىسى قالانىڭ وڭ جاعالاۋىندا ورنالاسقان: «سارىارقا» اۋدانىندا - 124 ءۇي، «الماتى» اۋدانىندا - 82 جانە «ەسىل» اۋدانىندا - 22 ءۇي بار. 3500-دەن استام وتباسى جاڭا پاتەرلەرگە قونىس اۋدارادى.
ونىمەن بىرگە بۇگىندە 117 اپاتى ءۇيدىڭ تۇرعىندارى 1570 وتباسى كوشىرىلدى. قالعان اپاتتى 111 ءۇيدىڭ تۇرعىندارى 2017-جىلدىڭ ىشىندە كوشىرىلەتىن بولادى: جىل سوڭىنا دەيىن ولارعا 1850 پاتەر بەرىلەدى.
