17:18, 28 - مامىر 2017 | GMT +6
استانادا اقىلى جولداعى قارىزى ءۇشىن جۇرگىزۋشىگە 150 مىڭ تەڭگەگە ايىپپۇل سالىندى
استانا. قازاقپارات - استانانىڭ سارى ارقا اۋداندىق سوتى جۇرگىزۋشىدەن 153 مىڭ تەڭگەگە جۋىق اقشانى ءوندىرىپ الۋ تۋرالى قاۋلى شىعاردى، دەپ حابارلايدى قازاقپارات.
سوتقا «قازاۆتوجول» ۇ ك» ا ق وكىلدەرى جۇگىنىپ، «استانا-پەتروپاۆل» رەسپۋبليكالىق ماڭىزداعى اۆتوكولىك جولىنىڭ اقىلى ۋچاسكەسىمەن جۇرگەنى ءۇشىن قالىپتاسقان قارىزدى ش. ەسىمدى ازاماتتان ءتيىستى سومادا ءوندىرىپ الۋ تۋرالى ءوتىنىم جاسادى.
جۇرگىزىلگەن تالداۋدىڭ باراسىندا اتالعان جۇرگىزۋشىنىڭ ساپارلارى ناقتىلاندى. وسى رەتتە بورىشكەرگە ەسكەرتۋ حابارلاماسى جىبەرىلگەن، الايدا ول ەرىكتى تۇردە ونى ورىنداماعان.
«جاۋاپكەردەن 152900 تەڭگە كولەمىندە قارىز سوماسىن تولەتۋ جونىندە سوت شەشىمى شىعارىلدى. شەشىم زاڭدى كۇشىنە ەنگەن جوق»، - دەپ حابارلادى ەلوردا سوتىنىڭ باسپا ءسوز قىزمەتى.
بۇدان بۇرىن حابارلانعانداي، 2016-جىلى «استانا-پەتروپاۆل» جولىنىڭ بويىنداعى «استانا- شۋچينسك» اقىلى جولىندا جينالعان قارجىنىڭ كولەمى 1 ميلليارد. 251 ميلليون تەڭگەنى قۇرادى.