قىزىلوردالىق كاريس قىز ابايدىڭ 150 ولەڭىن جاتقا وقيدى

قىزىلوردا. قازاقپارات - سىر - قالىڭ قازاقتىڭ شوعارلانعان ولكەلەرىنىڭ ءبىرى.

ءتىپتى، مۇندا تۇراتىن وزگە ۇلت وكىلدەرى دە قازاق ادەبيەتىنىڭ كلاسسيكتەرىن جاتا-جاستانا وقيدى.

سونداي جانداردىڭ ءبىرى شيەلى اۋدانى اقمايا اۋىلىنداعى №49- مەكتەپتىڭ وقۋشىسى - ەلەنا پاك. بۇل تۋرالى قازاقپارات ح ا ا ءتىلشىسى حابارلادى. بۇگىنگە دەيىن ونىڭ جەتكەن جەتىستىكتەرى دە از ەمەس. بىرنەشە اۋداندىق، وبلىستىق بايقاۋلاردىڭ جەڭىمپازى اتاندى. سونىڭ ءبىرى - وتكەن جىلعى اۋداندىق «اباي وقۋلارى» بايقاۋىندا ونەرپاز قىز اقىننىڭ 150 ولەڭىن جاتقا وقىپ، باس جۇلدە السا، وبلىستىق «اباي وقۋلارىنان» Ⅲ دارەجەلى ديپلوممەن ماراپاتتالدى. جاقىندا جالپى ءبىلىم بەرەتىن پاندەر بويىنشا جىل سايىن ءداستۇرلى تۇردە وتەتىن وبلىستىق وليمپيادادا وزا شاۋىپ، رەسپۋبليكاعا جولداما الىپ وتىر.

ەلەنانىڭ وسىنداي اسۋلاردى باعىندىرۋىنا قازاق ءتىلى مەن ادەبيەتى پانىنەن ساباق بەرەتىن ۇستازى بيبىگۇل سۇلتانوۆانىڭ ەڭبەگى سىڭگەن. مىنە، ەلەنا وزگە ۇلت وكىلى بولا تۇرا، قازاق بالالارىنا ۇلگى بولارلىق جەتىستىكتەرگە جەتىپ ءجۇر.

اۆتور: ەلۋباي اۋەزوۆ