13:38, 16 - قازان 2016 | GMT +5
ءۇندىستاندا تىڭشىلىقپەن اينالاستى دەگەن كۇدىكپەن 150 كوگەرشىن ۇستالدى
استانا. قازاقپارات - ءۇندىستان پوليتسياسى كاشمير القابىندا پاكىستان بارلاۋشىلارى تىڭشىلىققا جىبەرۋى مۇمكىن دەگەن كۇدىكپەن 150 دەن استام كوگەرشىندى ۇستادى. بۇل تۋرالى Khaleej Times حابارلادى.
شەكارا ماڭىندا كۇدىكتى جۇك كولىگى توقتاتىلدى. قۇقىق قورعاۋشىلار ونداعى كارتون جاشىكتەردى اشىپ، ساقينا تاعىلعان جانە قىزىل بوياۋمەن بەلگىلەنگەن قاناتتىلاردى كوردى.
وقيعا دجاممۋ شتاتىندا جانە كاشميردە بولدى. قالىپتى تەكسەرىس بارىسىندا قۇقىق قورعاۋشىلار شەكارا ماڭىندا كۇدىكتى جۇك كولىگىن توقتاتقان. جاشىكتەردە 150 دەن استام قۇس بولعان. كەي قۇستاردىڭ اياعىندا ءتۇرلى- ءتۇستى ساقينالار بار.
قازىر ءۇندىستان قۇقىق قورعاۋ ورگاندارى قۇستاردىڭ تىڭشىلىققا نەمەسە پاكىستان شەكاراسى ارقىلى قۇپيا اقپارات الماسۋعا ارنايى ۇيرەتىلگەن- ۇيرەتىلمەگەنىن تەكسەرىپ جاتىر. ءبىرقاتار ساراپشى قۇستارداعى الۋان ءتۇستىڭ كود ەكەنىن ايتۋدا، دەپ جازدى لەنتا. رۋ.
قۇستار اسا ايانىشتى جاعدايدا تاسىمالدانعان. تەرگەۋ اياقتالعان سوڭ ولار بوستاندىققا جىبەرىلەدى.
