قازىعۇرت شىڭىنا 150 ادام كوتەرىلدى - وڭتۇستىك قازاقستان

استانا. قازاقپارات - وڭتۇستىك قازاقستان وبلىسى كاسىپكەرلىك، يندۋستريالدى- يننوۆاتسيالىق دامۋ جانە تۋريزم باسقارماسىنىڭ ۇيىمداستىرۋىمەن 150 ءوڭىر تۇرعىنى «قازىعۇرت» شىڭىنا شىقتى، دەپ حابارلادى و ق و اكىمىنىڭ باسپا ءسوز قىزمەتىنەن.

ق ر تاۋەلسىزدىگىنىڭ 25 جىلدىعى مەن جالپىۇلتتىق «ناۋرىز» مەرەكەسىنە ارنالعان شاراعا تاجىريبەلى الپينيستەرمەن قاتار، وقۋشىلار، جەرگىلىكتى جوعارى وقۋ ورىندارىنىڭ ستۋدەنتتەرى، اتا- انالار بالالارىمەن قاتىستى.

ءىس- شارانىڭ نەگىزگى ماقساتى جاسوسپىرىمدەر مەن جاستار اراسىندا سالاۋاتتى ءومىر سالتىن ناسيحاتتاۋ، ەكولوگيالىق تۋريزمدى دامىتۋ، پاتريوتتىق جانە تۋعان جەرگە دەگەن سۇيىسپەنشىلىك سەزىمدەرىن قالىپتاستىرۋ، وبلىستا الپينيزم سپورت ءتۇرىن دامىتۋ.

بيىكتىگى تەڭىز دەڭگەيىنەن 1761 مەتر بولاتىن قازىعۇرت شىڭىن باعىندىرۋ ءۇشىن ارنايى وقۋ- جاتتىعۋ قاجەت ەمەس، سوندىقتان بارلىق دەرلىك قاتىسۋشىلار شىڭعا ەش قيىندىقسىز شىقتى. ايتا كەتەيىك، «قازىعۇرت» شىڭىن باعىندىرعان ەڭ جاس قاتىسۋشىسى 5 جاسار شىمكەنت قالاسىنىڭ تۇرعىنى.