قازاقستان رەسەيدەن بيىل 150 گە تارتا زەنيتتىك زىمىران كەشەندەرىن الادى
بۇل تۋرالى بۇگىن سەناتتىڭ جالپى وتىرىسىندا ق ر قورعانىس ءمينيسترىنىڭ ورىنباسارى وقاس ساپاروۆ ءمالىم ەتتى.
ەسكە سالايىق، پارلامەنت سەناتى «1995-جىلعى 20- قاڭتارداعى قازاقستان رەسپۋبليكاسى مەن رەسەي فەدەراتسياسى اراسىنداعى رەسەي فەدەراتسياسى قورعانىس مينيسترلىگىنىڭ (وبەكتىلەرى مەن ۇرىس الاڭدارى قازاقستان رەسپۋبليكاسىنىڭ اۋماعىندا ورنالاسقان) 929 مەملەكەتتىك ۇشۋ-سىناق ورتالىعىن پايدالانۋ ءتارتىبى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» ق ر زاڭى قابىلدانعان بولاتىن.
دەپۋتاتتار ساۋالىناعا جاۋاپ بەرە كەلە ءمينيستردىڭ ورىنباسارى رەسەي تاراپىنان قازاقستانعا اسكەري تەحنيكالىق كومەكتەرگە دە توقتالىپ ءوتتى. «ءبىز بىلتىرعى جىلى زاماناۋي سۋ-30 ۇشاعىنىڭ ءتورت بىرلىگىن ساتىپ الدىق. بۇل ت م د اۋماعىنداعى عانا ەمەس، الەمدەگى ەڭ وزىق تەحنيكا. بتر-82، س-300 زىمىران كەشەندەرىنىڭ بەس بىرلىگىن دە بىلتىر يەلەندىك. سونىمەن قاتار بيىلعى جىلى دا 150 گە تارتا زەنيتتىك زىمىران كەشەندەرىن الاتىن بولامىز. بۇدان بولەك، رەسەيدەن قوسىمشا اسكەري تەحنيكالاردى تەگىن الىپ وتىرمىز»، دەدى و. ساپاروۆ.
اۆتور: قانات مامەتقازى ۇلى
