الاكولدە جاعالاۋدان 150 مەتر قاشىقتىققا الىپ كەتكەن مۇزدان ەكى بالىقشى قۇتقارىلدى - فوتو

استانا. قازاقپارات - الماتى وبلىستىق ت ج د قىزمەتكەرلەرى الاكول كولىندە ەكى بالىقشىنى قۇتقاردى، دەپ حابارلادى ۆەدومستۆونىڭ باسپا ءسوز قىزمەتىنەن.

21 -قاڭتاردا ساعات 13:30 الماتى وبلىسى ت ج د الاكول اۋداندىق جەدەل-قۇتقارۋ جاساعىنىڭ كەزەكشى قۇرىلىمىنا الاكول كولىنىڭ وڭ جاعالاۋىندا «الا- سۋ» پانسيوناتى ماڭىندا جاعالاۋدان 150 مەتر قاشىقتىقتا 2 بالىقشى بولىنگەن مۇزدىڭ اراسىندا قالعاندىعى تۋرالى اقپارات ءتۇستى.

وقيعا ورنىنا كومەك كورسەتۋ ءۇشىن دەرەۋ الاكول اۋدانىنىڭ قۇتقارۋ بولىمشەسىنەن 5 قۇتقارۋشى جانە 2 تەحنيكا جىبەرىلدى.

شارا بارىسىندا قۇتقارۋ تاقتايشاسىنىڭ كومەگىمەن 2 بالىقشى جاعاعا شىعارىلىپ، اقشى اۋىلىنا جەتكىزىلدى. ەر ادامدار زارداپ شەككەن جوق.