ءاليحان بوكەيحاننىڭ 150 جىلدىعىن اتاپ ءوتۋ قوعامنىڭ نازارىن تاريحي مۇراعا اۋدارۋعا كومەكتەسەدى - ە. قارين
بۇل تۋرالى بۇگىن ق ر پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى.
يۋنەسكو باس كونفەرەنسياسى 38- سەسسياسى «مەملەكەت جانە قوعام قايراتكەرى، عالىم ءاليحان بوكەيحاننىڭ تۋعانىنا 150 جىل» تولۋىنا بايلانىستى ءىس-شارالارعا قاتىسۋ تۋرالى ۇسىنىمدى ماقۇلدادى.
ە. قاريننىڭ ايتۋىنا قاراعاندا، بۇل اتاۋلى كۇندى حالىقارالىق دەڭگەيدە اۋقىمدى اتاپ ءوتۋ ءبىزدىڭ قوعامنىڭ نازارىن تاريحي جانە مادەني مۇرا ماسەلەلەرىنە اۋدارۋعا مۇمكىندىك بەرەدى.
«ءاليحان بوكەيحاننىڭ 150 جىلدىعىنا ورايلاستىرىلعان بارلىق كونفەرەنسيالار، كەزدەسۋلەر جاي عانا اتاپ ءوتۋ ءۇشىن وتكىزىلمەيدى. بۇل شارالاردىڭ بارلىعى حالقىمىزدىڭ وتكەن- كەتكەنىن وي تولعاعىنان وتكىزۋ ءۇشىن ماڭىزدى»، - دەپ اتاپ ءوتتى ساياساتتانۋشى.
ەرلان قارين سونداي-اق «الاش» قوزعالىسىنىڭ الداعى كەلە جاتقان مەرەيتويىنا نازار اۋداردى - 2017 -جىلى «الاش» قوزعالىسىنا 100 جىل تولماق.
سونىمەن قاتار ساراپشى وتانىمىزدىڭ تاريحىندا ءالى جەتكىلىكتى كوڭىل بولىنبەگەن كوپ ۇلى ەسىم بار ەكەنىنە توقتالىپ ءوتتى. ق س ز ي ديرەكتورىنىڭ پىكىرىنشە، تاپ وسى «الاش» كوسەمدەرى مەن كوپتەگەن باسقا تاريحي تۇلعالار قازىرگى تاۋەلسىز قازاقستاننىڭ تابىستى دامۋىنىڭ ىرگەتاسىن قالاپ كەتتى.
ايتا كەتەيىك، ءاليحان بوكەيحان (05.03.1866-27.09.1937) - كورنەكتى مەملەكەت جانە قوعام قايراتكەرى، «الاش» ۇلت- ازاتتىق قوزعالىسىنىڭ كوسەمى، قازاقتىڭ «الاش» دەربەس مەملەكەتىنىڭ باسشىسى. ونىڭ باعا جەتپەس عىلىمي- پۋبليتسيستيكالىق مۇراسى بۇگىندە 16 تومنان تۇراتىن جيناقتى قۇراپ وتىر.
اۆتور: جاسۇلان جولدىبايەۆ
