10:33, 21 - قاراشا 2015 | GMT +5
ءاليحان بوكەيحانوۆتىڭ 150 جىلدىعى يۋنەسكو كولەمىندە تويلانادى
استانا. قازاقپارات - الاش كوسەمى ءاليحان بوكەيحانوۆتىڭ 150 جىلدىعى يۋنەسكو كولەمىندە تويلاناتىن بولدى.
بۇل تۋرالى يۋنەسكونىڭ 18- قاراشادا پاريجدە اياقتالعان باس كونفەرەنتسياسىنىڭ 38-سەسسياسىندا ءمالىم بولعان.
ءسۇيىنشى حاباردى الاشتانۋشى عالىم سۇلتانحان اققۇل ۇلى ءجۇسىپ حابارلادى، دەپ جازادى «تۇركىستان» گازەتى.
ءاليحان نۇرمۇحامەد ۇلى بوكەيحان (05.03.1866 -جىل، قارقارالى ۋەزى، سەمەي وبلىسى، دالا ولكەسى - 27.09.1937 -جىل، ماسكەۋ) - XIX ع. سوڭى مەن XX ع. باسىنداعى قازاق زيالىلارىنىڭ، قوعام جانە مەملەكەت قايراتكەرلەرى قاتارىنداعى اسا ەرەكشە تۇلعا. كورنەكتى قوعام جانە مەملەكەت قايراتكەرى، ۇلت-ازاتتىق جانە الاش قوزعالىسىنىڭ جەتەكشىسى، الاشوردا اۆتونوميالى ۇكىمەتىنىڭ تۇڭعىش ءتوراعاسى، پۋبليتسيست، عالىم، اۋدارماشى.
