دەمەۋشىلەر «قازاق ەلى» كوركەم فيلمنىڭ تۇسىرىلىمىنە 150 ميلليون تەڭگە قارجى اۋداردى
بۇل تۋرالى بۇگىن تىلشىلەرگە وسى تۋىندىنىڭ پروديۋسەرى ارمان اسەنوۆ ءمالىم ەتتى.
«بۇگىندە تۋىندىنىڭ تۇسىرىلىمىنە 150 ميلليون تەڭگە حالىقتىق اقشانى جينادىق. قازاقستاندا قۇندى قاعازدار نارىعىندا جۇمىس ىستەپ جۇرگەن رەسەيلىك ينۆەستيتسيالىق كومپانيا بىردەن 100 ميلليون تەڭگە اۋداردى. كەشە ولار قوسىمشا قارجىنى ءبولدى. وسى اپتادا ءىرى ونەركاسىپتىك توپپەن كەلىسسوزدەر جۇرگىزۋدەمىز جانە ولار 500 ميلليون دەمەۋشىلىك قارجىنى اۋدارۋعا نيەتتى»، - دەدى ا. اسەنوۆ.
وسى ورايدا ول سەريالدىڭ باستاپقى بيۋدجەتى 5,5 ميلليارد تەڭگە بولعانىن ەسكە سالىپ ءوتتى.
«سەناريدەگى قىسقارتۋلاردان كەيىن بيۋدجەت 2 ميلليارد 167 ميلليون تەڭگەنى قۇرادى. بىزگە 1 ميلليارد تەڭگەنى ءبولدى، قازىرگى كەزدە قوسىمشا 450 ميلليون تەڭگە اۋدارىلماق. جانە 500 ميلليون تەڭگەنى ءبىز مەسەناتتاردان تارتۋدامىز. وسى قارجى جەتكىلىكتى بولادى»، - دەپ توقتالدى پروديۋسەر.
ونىڭ سوزىنە قاراعاندا، بۇل كوپسەريالى فيلمدى ءبىرىنشى بولىپ كورسەتۋگە «رەسەي»، «ءال- جازيرا»، «ءبىرىنشى ارنا»، «ن ت ۆ» تەلەارنالارى قىزىعۋشىلىق تانىتقان كورىنەدى. سونىمەن قاتار ا. اسەنوۆ فيلمنىڭ كينوتەاترلاردا كورسەتۋ ارنالعان نۇسقاسىن دا شىعارۋ جوسپارلانىپ وتىرعاندىعىن جەتكىزدى.
اۆتور: رۋسلان عابباسوۆ
