سيريا مەن يراكتاعى قارۋلى قاقتىعىسقا 150دەن استام قازاقستاندىق قاتىسۋدا - ن. ابىقايەۆ
بۇل تۋرالى بۇگىن استاناداعى ورتالىق جانە وڭتۇستىك ازيا ەلدەرىندەگى زورلىق- زومبىلىق ەكسترەميزمگە قارسى ءىس- قيمىل جونىندەگى وڭىرلىك كونفەرەنسيادا ق ر ۇلتتىق قاۋىپسىزدىك كوميتەتىنىڭ ءتوراعاسى نۇرتاي ابىقايەۆ ءمالىم ەتتى.
«قازىرگى كەزدە سيريا مەن يراكتاعى قارۋلى قاقتىعىسقا 150-دەن استام قازاقستاندىق قاتىسۋدا، ولارمەن بىرگە 200 دەن ارتىق ايەلدەرى، سودىرلاردىڭ جەسىرلەرى جانە بالالارى بىرگە ءجۇر. كەيبىر كەزدەردە جۋرناليستەر «وسىنداي ادامداردىڭ ەلدەن كەتۋىنە توسقاۋىل جاساۋدىڭ قاجەتى قانشا؟ ولار جولدارىن وزدەرى تاڭدايدى. اۋعانستاندا، سيريادا قازا بولعان ونداعان قازاقستاندىق سەكىلدى مەرت بولعىسى كەلسە، بۇل ولاردىڭ وزدەرىنىڭ قۇقىعى» دەگەن ساۋالدار قويىلىپ جاتادى. الايدا ءبىزدىڭ ازاماتتار اسكەري قىلمىسكەر، لاڭكەس اتانىپ، وتانىنان الىس جەردە ءومىرى قيىلىپ جاتقان جاعدايدى قالىپتى قۇبىلىس دەپ سانامايمىز. سونىمەن قاتار رۋحاني- ادامگەرشىلىك باعىتتا اداسقان وسى ادامدار لاڭكەستىك كۇرەستە كاسىبي داعدىسىن جەتىلدىرىپ، زاقىمدانعان سانا- سەزىمىمەن قايتا ورالۋى مۇمكىن»، - دەدى ق ر ۇ ق ك ءتوراعاسى.
سونىمەن قاتار ن. ابىقايەۆ پروبلەمانىڭ تاعى ءبىر اسپەكتىسى رەتىندە ينتەرنەت پەن ب ا ق- تا د ا ي ش- كە (يسلام مەملەكەتى) قاتىستى شەكتەن تىس نازار اۋدارىلىپ وتىرعاندىعىن اتاپ ءوتتى.
اۆتور: رۋسلان عابباسوۆ
