تەڭىزدەگى شەكارانى بۇزعان 150 ازامات ۇستالدى
باعالى بالىقتارعا قول سۇققان 63 ادام اكىمشىلىك جاۋاپكەرشىلىككە تارتىلىپ، ءىرى كولەمدە ايىپپۇل سالىندى. براكونەرلەردەن 2 مىڭعا جۋىق بەكىرە تۇقىمداس بالىق پەن 215 يت بالىق تاركىلەنگەن.
وڭاي ولجاعا كەنەلمەك بولعان قاسكويلەردىڭ كوپشىلىگى - رەسەي مەن تاجىكستاننىڭ ازاماتتارى. اراسىندا ءوز ەلىمىزدىڭ تۇرعىندارى دا بار. سوندىقتان شەكاراشىلار رەسەيلىك ارىپتەستەرىمەن بىرلەسىپ، ارەكەت جاساۋدا.
سەرىك قالدىبايەۆ، ق ر شەكارا قىزمەتى «جاعالاۋ كۇزەتى» وڭىرلىك باسقارماسى باسشىسىنىڭ ورىنباسارى:
- ونىڭ قورىتىندىسى بويىنشا، 1 ميلليون 600 مىڭ تەڭگەدەي ايىپپۇل سالىندى. سونىمەن قاتار 30 دان استام ادامعا قاتىستى قىلمىستىق ءىس قوزعالدى. ءبىر ايدىڭ ىشىندە بىرلەسكەن جەدەل شارالاردى قولدانۋ كەزىندە جاعالاۋ كۇزەتىنىڭ اسكەري قىزمەتى، ءبىزدىڭ مەكەمە وتە جاقسى ناتيجەلەر كورسەتتى.
www.24.kz