قازاقستاندا جاسالعان: «تۇلپار- تالگو» بيىل 150 دەن استام ۆاگون شىعارادى
«تۇلپار- تالگو» ج ش س زاۋىتىنىڭ باس ەنەرگەتيگى ۆيكتور ناۋمكيننىڭ ايتۋىنشا، بيىل زاۋىت «تار قوراپ» جوباسىن اياقتاعالى وتىر.
«بۇل جوبا بويىنشا شاناقتىڭ ەنى 2950 م م قۇرايدى. جولاۋشىلاردىڭ وتىنىشىمەن، ورىن كەڭ بولۋى ءۇشىن ۆاگون قوراپتارىنىڭ ەنى كەڭىرەك بولادى»، - دەدى ول.
قازاقستاندىق جەدەل تەمىرجول ۆاگوندارىن شىعاراتىن «تۇلپار- تالگو» زاۋىتى 2011 - جىلدىڭ جەلتوقسانىندا اشىلعان بولاتىن. زاۋىت حالىقارالىق ساپا ستاندارتتارىنا، ءوندىرىس پروتسەسسىنىڭ ناتيجەلىلىگىنە ساي جوبالانىپ، سالىنعان. بۇگىندە «تۇلپار- تالگو» ت م د ەلدەرىندە تەڭدەسى جوق زاۋىت. مۇنداي كاسىپورىننىڭ قۇرىلىسى مەملەكەتتىك يننوۆاتسيالىق- يندۋستريالىق دامۋ باعدارلاماسى اياسىندا جۇزەگە اسىرىلدى.
اشىلعان سوڭ ءبىر جىلدان كەيىن 2012 - جىلدىڭ ماۋسىمىندا «الماتى - پەتروپاۆل» باعىتىنداعى العاشقى ۆاگون قۇرامى پايدالانۋعا بەرىلدى. قازىردە «تۇلپار- تالگو» پويىزدارى «استانا - اقتوبە»، «استانا - اتىراۋ» جانە «استانا - سەمەي» باعىتتارىندا جولعا شىقتى.
بۇگىنگى تاڭدا زاۋىتتا 292 مامان قىزمەت اتقارادى. كاسىپورىن تولىق قۋاتتىلىقپەن جۇمىس ىستەگەندە قىزمەتكەرلەر سانى 360 جەتەتىن بولادى.
«تۇلپار- تالگو» پويىزىنىڭ ءتۇزۋ عانا ەمەس، قيسىق تەمىرجولدارداعى ەڭ جوعارى جىلدامدىعى 200 ك م/ساعات ەكەنىن بىرەۋ بىلسە، بىرەۋ بىلمەيدى. قازاقستاندىق جاڭا پويىزداردىڭ ەرەكشەلىگى - قوزعالىس قاۋىپسىزدىگى مەن جايلىلىق.
- ءبىزدىڭ زاۋىتقا يران، گرۋزيا، بالتىق جاعالاۋى ەلدەرىنىڭ وكىلدەرى كەلىپ، ۆاگون قۇرامدارىن ساتىپ الۋعا نيەتتەرىن ءبىلدىردى. پويىزداردىڭ ءبىر ەرەكشەلىگى - ولار ەنى باسقا جولعا توقتاماستان وتە الادى. ول جىلدامدىقتى 5 ك م/ساعاتقا دەيىن تومەندەتىپ، جولدى اۆتوماتتى تۇردە اۋىستىرادى، - دەدى ۆيكتور ناۋمكين.