قىزىل ارميا ءبىر كۇندە 150 گە جۋىق قالا مەن ەلدى مەكەندى جاۋدان ازات ەتتى - كەڭەس اقپارات بيۋروسىنىڭ مالىمەتىنەن
«14 - ساۋىردە زەملاند تۋبەگىندە، كەنيگسبەرگتىڭ سولتۇستىك- باتىس جانە باتىس جاعىندا 3-بەلورۋس مايدانىنىڭ اسكەرلەرى ۇرىس جۇرگىزە وتىرىپ، 60 تان اسا ەلدى مەكەندى الدى» - دەلىنگەن وسى كۇنگى كەڭەس اقپارات بيۋروسىنىڭ مالىمەتىندە.
وسى كۇنى 3- بەلارۋس مايدانىنىڭ اسكەرلەرى وسى اۋداندا نەمىستەردىڭ 5000 نان اسا سالداتى مەن وفيتسەرىنىڭ كوزىن جويسا، 7000 نان اسا سولداتى مەن وفيتسەرىن قولعا تۇسىرگەن. سونىمەن قاتار، اسكەرلەرىمىز كوپ ولجا، ولاردىڭ ىشىندە 8 ۇشاق، 137 دالا زەڭبىرەگى، 46 مينومەت، 490 پۋلەمەت، 10 پاراۆوز، 405 تەمىرجول پلاتفورماسى مەن ۆاگونىن، وق- ءدارى جانە ءار ءتۇرلى سوعىس مۇلكى قويىلعان 22 قويمانى قولعا ءتۇسىردى.
كەڭەس اقپارات بيۋروسىنىڭ مالىمەتىندە چەحوسلوۆاكيا جەرىندە 2- ۋكراين مايدانى اسكەرلەرىنىڭ دە ءساتتى ۇرىستار جۇرگىزىپ، العا جىلجىپ جاتقاندىعى ايتىلعان.
«چەحوسلوۆاكيا جەرىندە، گودونين قالاسىنىڭ شىعىس جانە وڭتۇستىك- باتىس جاعىندا 2-ۋكراين مايدانىنىڭ اسكەرلەرى شابۋىل جاساي وتىرىپ، مازۋر، كۋجەلوۆ. مالايا ۆركا، كنەجدۋب، ستراجنيتسە، لۋجيتسە، ميكۋلچيتسە، موراۆسكا، نوۆايا ۆەس، گرۋشكي، نوۆىي جيجكوۆ، ستارىي برجەسلاۆ قىستاقتارىن الدى.
سونىمەن قاتار ۆەنانىڭ سولتۇستىك جانە سولتۇستىك- شىعىس جاعىندا وسى مايداننىڭ اسكەرلەرى ۇرىس جۇرگىزە وتىرىپ، اۆستريا جەرىندە حوحەناۋ، گروسس ينتسەرسدورف، وبەر زۋلتس، نەكسينگ، باد- پيراۆارت، كرونبەرگ، ريدەنتال، ۋلريحسكيرحەن، پرەزينگ، پۋتتسينگ، ەنتسەرالد قىستاقتارىن الدى» ، - دەلىنگەن مالىمەتتە.
ال كۇنى كەشە عانا - 13 - ساۋىردە ۆەنا قالاسىن جاۋدان ازات ەتكەن 3- ۋكراين مايدانىنىڭ اسكەرلەرى اۆستريانىڭ سولتۇستىك، سولتۇستىك- باتىس جانە باتىس جاعىنا قاراي جىلجۋدا.
«ۆەنانىڭ باتىس جاعىندا 3-ۋكراين مايدانىنىڭ اسكەرلەرى شابۋىل جاساي وتىرىپ، ترايزەن وزەنىنەن وتكەننەن كەيىن گەرتسوگەنبۋرگ كالاسىن جانە 60 تان اسا باسقا ەلدى مەكەندى، ولاردىڭ ىشىندە ميحەل- حاۋزەن، پيشەلسدورف، تسۆەنتەندورف، پونەزەە، تراسدورف، زيتتسەنبەرگ، گەتتسەرسدورف، ينتسەردورف، كرەيتس، وسسارن، كاپەللن، ەيتەندورف، مۋرشتەتەن، بوحايمكيرحەن، حريستوفەن ۇلكەن قىستاقتارى مەن ميحەلحاۋزەن، تراسدورف، گەمەينلەبارن تەمىر جول ستانسالارىن الدى»، - دەلىنگەن مالىمەتتە.
بەلگىلى بولعانىنداي 3- ۋكراين مايدانىنىڭ اسكەرلەرى 13 - ساۋىرەگى ۇرىستاردا دۇشپاننىڭ 2200 دەن اسا سولداتى مەن وفيتسەرىن جانە جاۋدان مىناداي ولجا: 107 تانك پەن وزدىگىنەن جۇرەتىن زەڭبىرەك، 19 برونەترانسپورتەر، 198 دالا زەڭبىرەگىن، 44 مينومەت، 204 پۋلەمەت، 615 اۆتوماشينا، 69 پاراۆوز، 2367 تەمىر جول ۆاگونىن جانە سوعىس مۇلىكتەرى قويىلعان 37 قويمانى قولعا ءتۇسىردى.
اۆتور: جاپپاربەرگەن ايبوتا
