قازاقستاننىڭ 150 قارۋلى اسكەري قىزمەتشىسى گەرمانيادا ءجۇر - فوتو
گەرمانيادا ءوتىپ جاتقان وقۋ-جاتتىعۋعا قازاقستاننان پودپولكوۆنيك باقىتجان جەتپىسوۆ باستاعان بىتىمگەرشىلىك باتالون شتابى جانە كاپيتان ايان نۇرقاسوۆ باستاعان «قازباتتىڭ» كۇشەيتىلگەن روتاسى قۇرامىنداعى 150 اسكەري قىزمەتشى قاتىسۋدا.
«دالا قىرانى-2014» وقۋ-جاتتىعۋىنىڭ باستى ماقساتى بىتىمگەرشىلىك بولىمشەلەرىنىڭ ناتو-عا قاتىسۋشى ەلدەر اسكەري كونتينگەنتتەرىمەن ۇيلەسىمدىلىگى مەن ءوزارا ءىس-قيمىلىن پىسىقتاۋ بولىپ تابىلادى.
كوپ ۇلتتى كونتينگەنتتىڭ قۇرامىنداعى قازاقستاندىق بىتىمگەرشىلىك باتالون كوپ ۇلتتى ورتاداعى ۇيلەسىمدىلىكتى جاقسارتۋ، ميسسيالاردى جوسپارلاۋ، جەدەل بۇيرىقتاردى ورىنداۋ، اعىمداعى وپەراتسيالاردى قاداعالاۋ جونىندەگى مىندەتتەردى پىسىقتاۋدا.
بيىل «دالا قىرانى» ون ەكىنشى رەت وتۋدە. بۇل بىتىمگەرشىلىك وقۋ-جاتتىعۋى تۇڭعىش رەت 2003-جىلى ق ر ق ك اەروۇتقىر اسكەرلەرىنىڭ «ىلە» وقۋ-جاتتىعۋ ورتالىعىندا وتكىزىلگەن بولاتىن.
«دالا قىرانى-2014» وقۋ-جاتتىعۋىنا تاجىكستان، قىرعىزستان، ا ق ش، گەرمانيا مەن ۇلى بريتانيا قاتىسۋدا.
