02:21, 14 - قىركۇيەك 2014 | GMT +5
پاريجدە 150 جىل بۇرىن سالىنعان سۋ قويماسى ەسىگىن اشادى
استانا. قازاقپارات - پاريجدەگى مانسۋري ساياباعىنىڭ استىندا ەسكى سۋ قويماسى بار ەكەنىن كەڭ جۇرتشىلىق بىلمەيدى. وسىدان 150 جىل بۇرىن سالىنعان ول كەزىندە الەمدەگى ەڭ ۇلكەن اۋىزسۋ قويماسى بولاتىن.
بۇگىندە ول پاريج تۇرعىندارىنىڭ 20 پايىزىن سۋمەن قامتاماسىز ەتەدى. ونىڭ كولەمى - 200 مىڭ تەكشە مەتر، ال توبەسىن 2 مىڭداي باعانا تىرەپ تۇر. ەندى تاريحي نىساندى كوپشىلىك 20-21 - قىركۇيەكتە اشىق ەسىك كۇنى اياسىندا تاماشالاي الادى.
