پاۆلوداردا 1500-دەن استام جازاسىن وتەۋشى مەديتسينالىق تەكسەرۋدەن وتپەگەن

پاۆلودار وبلىستىق پروكۋراتۋراسىنىڭ مالىمەتىنشە، بۇل جاعداي ايماق بويىنشا قاجد مەكەمەلەرىندە سوتتالعاندارعا مەديتسينالىق كومەك كورسەتۋ بارىسىن تەكسەرۋ جۇرگىزۋ كەزىندە انىقتالدى.
«تەكسەرۋ شارالارى كەزىندە 1547 سوتتالۋشىنىڭ جىل سايىنعى مەديتسينالىق تەكسەرۋدەن تولىق وتپەگەنى بەلگىلى بولدى. ناقتىلاي ايتقاندا، سوتتالعانداردان قان اناليزى الىنباعان، ەلەكتروكارديوگرافيا جۇرگىزىلمەگەن، جالپى تاجىريبەلىك دارىگەردىڭ، فتيزياتردىڭ، ستوماتولوگتىڭ تەكسەرۋلەرى تۋرالى جازبالارى بولماعان. سونىمەن قاتار، جوعارىدا اتالعان دارىگەرلەردىڭ قورىتىندىلارى جانە ۇسىنىستارى مۇلدەم جوق. بۇدان بولەك، قازاقستاندىق ۇلتتىق فورمۋليارعا كىرمەيتىن دارىلىك زاتتاردى ساتىپ الۋ فاكتىلەرى اشكەرەلەندى»، - دەلىنگەن حابارلامادا.
تەكسەرۋ قورىتىندىسى بويىنشا پروكۋرورلىق قاداعالاۋ اكتىسى ەنگىزىلىپ، 1547 سوتتالعان ازاماتتىڭ كونستيتۋتسيالىق قۇقىقتارى قورعالىپ، كىنالى تۇلعالار جاۋاپقا تارتىلدى.