13:10, 11 - ناۋرىز 2022 | GMT +6
قازاقستاننىڭ 1500 گە جۋىق جۇك ۆاگونى ۋكراينادا قالدى - مينيسترلىك
نۇر-سۇلتان. قازاقپارات - ەلىمىزدىڭ 1,5 مىڭعا جۋىق جۇك ۆاگونى ۋكراينا اۋماعىندا قالىپ وتىر. بۇل تۋرالى قازاقپارات ق ر ي ي د م سىلتەمە جاساپ حابارلايدى.
«2022 -جىلعى 11-ناۋرىزداعى جاعداي بويىنشا ۋكراينادان قازاقستاندىق مەنشىك يەلەرىنە تيەسىلى 57 جۇك اۆتوكولىگىنىڭ 49 ى شىقتى. وسىلايشا، بۇل ەلدىڭ اۋماعىندا 8 جۇك كولىگى، ونىڭ ىشىندە ۋكرايندىق جۇرگىزۋشىلەرى بار قازاقستاننىڭ 4 جۇك كولىگى قالىپ وتىر. سونىمەن قاتار، ۋكراينادا ەلىمىزدىڭ ازاماتتارىنا تيەسىلى 1457 جۇك ۆاگونى تۇر. ولاردى باسقا باعىتتارعا جىبەرۋ جۇمىستارى جالعاسۋدا»، - دەلىنگەن مينيسترلىك حابارلاماسىندا.
حالىقارالىق تاسىمالداردا تۋىنداعان ماسەلەلەر بويىنشا جەدەل ارەكەت ەتۋ ءۇشىن ق ر ي ي د م، «قازاقستان تەمىر جولى» ۇ ك» ا ق جانە ەلىمىزدىڭ تەڭىز پورتتارى جانىنان «جەدەل جەلىلەر» اشىلدى. مۇددەلى تاراپتارمەن كەلىسسوزدەر جۇرگىزىلىپ جاتىر.
اقتاۋ جانە قۇرىق تەڭىز پورتتارى قالىپتى رەجيمدە جۇمىس ىستەپ تۇر. جۇكتەر بوگەلىپ جاتقان جوق.
