قايعىعا باتقان ەر ادام سۇيىكتىسىمەن قوشتاسۋ ءۇشىن 1500 شاقىرىم جاياۋ ءجۇردى
عاشىعىنا بەرگەن ۋادەسىن جۇزەگە اسىرۋ ءۇشىن جولعا شىققان ازامات 1500 شاقىرىم جاياۋ ءجۇردى، دەپ جازادى Stan,kz اقپاراتتىق اگەنتتىگى.
سۋكسيت ساپانتامات بىرنەشە جىل بۇرىن سۇيىكتىسىنە ساياحاتقا اقشا جيناعان سوڭ، دوينيكتون تاۋىنا بىرگە كوتەرىلەمىز دەپ ۋادە بەرگەن. ءبىراق، ونىڭ عاشىعى 2016 -جىلدىڭ قازان ايىندا قايتىس بولىپ كەتتى. سۇيىكتىسىنەن ايىرىلعان جىگىت قاتتى قايعىعا باتىپ، ۇزاق ۋاقىت بويى وزىنە كەلە الماي ءجۇردى. دەگەنمەن، ول سۇيىكتىسىنە بەرگەن ۋادەسىن ورىنداۋعا بەل بۋىپ، ەكەۋى بىرگە كوتەرىلەمىز دەگەن تاۋعا جاياۋ شىقپاقشى.
ساپانتامات وزىنە قاجەتتى زاتتارىن جانە سۇيىكتىسىنىڭ كۇلىن ارباعا سالىپ، بۇكىل ەلدى ارالاپ جولعا شىقتى.
ول وسى ۋاقىت بويى جول بويىندا، عيباداتحانار مەن زيراتتاردا تۇنەدى. ۋاقىت وتە قالا مەن اۋىل تۇرعىندارى وعان سۋ مەن ازىق- تۇلىك ۇسىنىپ، قوناتىن باسپانا بەردى.
ءبىر جارىم جىل بويى جول ءجۇرىپ، ەل كەزگەن ازاماتقا ءتىپتى قاڭعىباس يتتەر مەن مىسىقتار ۇيرەنىپ، ونىمەن بىرگە ساپارعا شىقتى.
«ءبىز ەشقاشان ايىرىلىسقان ەمەسپىز. بىرگە جۇمىس ىستەپ، بىرگە دەمالاتىنبىز. مۇمكىن ءبىر كۇنى مەن ول تۋرالى ويلاعان كەزدە جىلاۋدى دوعاراتىن شىعارمىن» ، - دەپ كوزىنە جاس الدى ەر ادام.
ساپاتامات سۇيىكتىسىنە دەگەن ماحابباتىڭ قۇرمەتىنە جولعا شىققانىن ايتتى. سونداي- اق، ول عاشىعىنا بەرگەن ۋادەسىن ورىنداپ، ونىڭ كۇلىن سول تاۋدا شاشىپ قوشتاسۋدى جوسپارلاپ وتىر.
