قاراعاندى وبلىسىنىڭ وتكىزۋ پۋنكتتەرىندە جولدا 1500 دەي كولىك كەپتەلىپ قالدى
«قاراعاندى وبلىسىندا تاس جولدا اپاتتىق- قۇتقارۋ جۇمىستارى جالعاسۋدا. قازىر رەسپۋبليكالىق ماڭىزى بار «الماتى- ەكاتەرينبۋرگ» جولى جابىق. وبلىس جولدارىندا كولىك قوزعالىسىنىڭ شەكتەلۋىنە بايلانىستى وتكىزۋ پۋنكتتەرىندە 1487 بىرلىك تەحنيكا كەپتەلىپ تۇر: 1112 جۇك كولىگى، 55 اۆتوبۋس، 320 جەڭىل كولىك، ونىڭ ىشىندە وساكاروۆكا اۋدانىندا - 450 كولىك»، - دەلىنگەن حابارلامادا.
استانا جاقتان كولىكتەر سانى قوسىلعانى، وشاعاندىدان باتپاققا دەيىن جول جابىلاتىنى اتاپ وتىلەدى.
«وساكاروۆكا- قاراعاندى جولىندا قوسىمشا تەحنيكانى تارتا وتىرىپ، جول قىزمەتتەرى قاردان تازالاۋ جۇمىستارىن جۇرگىزۋدە. جۇمىسقا 11 بىرلىك تەحنيكا تارتىلدى. «سپاسسك» اۋدانىندا 5 تەحنيكا قار قۇرساۋىندا قالسا، ونىڭ 2 ەۋى ىستەن شىققان. قۇتقارۋ قىزمەتتەرى 74 جۇك كولىگىن شىعارۋعا، ءبىر جولاۋشىلار اۆتوبۋسىنا كومەك كورسەتتى، «سپاسسك اۋدانىنا» 21 بىرلىك تەحنيكا، 64 ادام جۇمىلدىرىلدى»، - دەلىنگەن حابارلامادا.
ت ج د اقپاراتىنا سايكەس جول تازالاۋ جۇمىستارىنا بارلىعى 124 بىرلىك تەحنيكا جۇمىلدىرىلدى. وبلىس اۋماعىنان 494 جەڭىل جانە جۇك كولىگى جانە 21 اۆتوبۋس قار قۇرساۋىنان بوساتىلىپ، 450 ادام (24 ى بالا) قۇتقارىلدى، 840 ادام، ونىڭ ىشىندە 9 بالا قاۋىپسىز جەرگە اپارىلدى.
«اباي، وساكاروۆكا، شەت، بۇقار جىراۋ اۋداندارىنداعى جەكەلەگەن اۋىلدار اۋماعىندا جەرگىلىكتى اۋقىمداعى جاريالانعان توتەنشە جاعداي ءالى دە ءوز كۇشىندە»، - دەپ قوستى ت ج د باسپا ءسوز قىزمەتىنەن.
ۆەدومستۆودا تاۋلىك بويى زارداپ شەككەندەر ءۇشىن «جەدەل جەلى» جۇمىس ىستەۋدە ەكەنىن حابارلادى. ول جەردە اعىمداعى جاعداي تۋرالى بىلۋگە دە بولادى. ت ج د باسپا ءسوز قىزمەتىنىڭ دەرەكتەرىنە سايكەس جەدەل جەلىگە سوڭعى تاۋلىكتە 50 دەن استام قوڭىراۋ تۇسكەن. جاقىندارىنىڭ جاعدايى جايلى تۋىسقاندارى حابارلاسقان.
