جامبىلدىق 1500 ازامات «دەنساۋلىق» پويىزى ماماندارىنىڭ كومەگىن الدى - فوتو
«بيىل ءبىر ۋاقىتتا جۇرە باستاعان «مەنىڭ قازاقستانىم»، «جاردەم»، «سالاماتتى قازاقستان»، «دەنساۋلىق» يميدجدىك پويىزدارى الەۋمەتتىك جوبانى ىسكە اسىرۋدى جالعاستىرۋدا. قايىرىمدىلىق مەديتسينالىق پويىزى ەڭ شالعايدا جاتقان بولىكتەرگە، ادامداردىڭ تەگىن كاسىبي مەديتسينالىق كومەككە ءار كەزدە قول جەتكىزە المايتىن ستانسالارعا بارادى»، - دەپ باياندادى جامبىل وبلىستىق ت ج د-نىڭ مەملەكەتتىك ءتىل جانە اقپارات توبىنىڭ باس مامانى ساۋلە مۇناتايەۆا.
پويىز بەس ۆاگوننان تۇرادى، ولاردىڭ ەكەۋى مەديتسينالىق ماقساتتا قولدانىلادى. مۇندا فليۋروگرافيالىق اپپارات، رەنتگتەن- قوندىرعى، ۋدز اپپاراتى جانە اۋرۋلاردى انىقتاپ قانا قويماي، شاعىن حيرۋرگيالىق وتالاردى جاساۋعا مۇمكىندىك بەرەتىن باسقا دا مەديتسينالىق جابدىقتار بار.
پويىزدىڭ مەديتسينالىق بريگاداسىنىڭ قۇرامىندا جوعارى جانە ءبىرىنشى بىلىكتىلىك ساناتىنداعى 18 دارىگەر (پەدياترلار، كارديولوگتار، ءتىس دارىگەرلەرى، حيرۋرگتار، باسقا ماماندار) بار.
كولەمدى توتەنشە جاعدايلار كەزىندە بۇل پويىزدىڭ قىزمەتكەرلەرى ءار اۋداندا زارداپ شەككەن ادامداردىڭ كوپ بولىگىنە مامانداندىرىلعان مەديتسينالىق كومەكتى كورسەتىپ، كەيىنگى قالدىرىلمايتىن وتالاردى جاساي الادى، زارداپ شەككەندەر ءقاۋىپسىز جەرگە كوشىلىرىپ نەمەسە وعان ۋاقىتشا جاتقىزىلادى.
«بۇگىندە «دەنساۋلىق» مەديتسينالىق پويىزىنىڭ قىزمەتكەرلەرى شاعىمدانعان 1500 عا جۋىق ادامدى تەكسەرىپ، مەديتسينالىق كومەگىن كورسەتتى. مەديتسينالىق پويىزدىڭ جامبىل وبلىسى اۋماعىنداعى جۇمىسى 10 ساۋىرگە دەيىن جالعاسادى»، - دەپ ءتۇسىندىردى س. مۇناتايەۆا.
