15 مينۋتتا جۇرەگى ءتورت رەت توقتاپ قالدى: دارىگەرلەر ناۋقاستى امان الىپ قالدى
الماتى. KAZINFORM - الماتىلىق دارىگەرلەر 15 مينۋت ىشىندە جۇرەگى ءتورت رەت توقتاپ قالعان ناۋقاستى امان الىپ قالدى.
الماتى دەنساۋلىق ساقتاۋ باسقارماسىنىڭ مالىمەتىنشە، 42 جاستاعى ەر ادام قالالىق كارديولوگيا ورتالىعىنا جەدەل جاردەم بريگاداسىمەن جەدەل ميوكارد ينفاركتىسىمەن جەتكىزىلدى. قابىلداۋ كەزىندە ناۋقاستىڭ جۇرەگى توقتاپ قالعان.
رەانيماتسيا جانە قارقىندى تەراپيا بولىمشەسىنىڭ مەڭگەرۋشىسى عاني بۋگيرايەۆتىڭ ايتۋىنشا، ناۋقاستىڭ جۇرەگى 15 مينۋت ىشىندە ومىرىنە قاۋىپ توندىرەتىن اريتميامەن ءتورت رەت توقتاعان.
اۋىر جاعدايعا قاراماستان، رەانيماتولوگتار جۇرەكتىڭ جۇمىسىن قالپىنا كەلتىرە الدى.
تامىرلاردىڭ سىني تۇرعىدان زارداپ شەككەنىن بىلگەننەن كەيىن دارىگەرلەر جۇرەك بۇلشىقەتىندەگى قان اينالىمىن قالپىنا كەلتىرۋ ءۇشىن شۇعىل وتا جاساۋ تۋرالى شەشىم قابىلدادى.
« مۇنداي جاعداي تەك كاسىبي داعدىنى عانا ەمەس، پسيحولوگيالىق تۇراقتىلىقتى دا قاجەت ەتەدى. ءساتتى حيرۋرگيالىق ارالاسۋدان كەيىن ناۋقاستىڭ جاعدايى تۇراقتالىپ، ول ۇيگە شىعارىلدى»، - دەدى دارىگەر.
وسىعان دەيىن، الماتى وبلىسىنىڭ دارىگەرلەرى ءتورت رەت جۇرەگى توقتاپ قالعان، جاڭا بوسانعان انانى امان الىپ قالعان بولاتىن.
