15-اقپاندا بالالارعا وق اتىلادى - قوستانايدا ون جاسار وقۋشى بۇكىل قالانىڭ زارەسىن الدى
قوستاناي. KAZINFORM - الەۋمەتتىك جەلىدە مەكتەپتەردىڭ بىرىندە تەراكت دايىندالىپ جاتىر دەگەن اقپارات تارادى. پوليتسيا قىلمىستىق ءىس قوزعادى.
پوليتسيا قىزمەتكەرلەرى جالعان اقپارات تاراتۋشى انىقتالعانىن حابارلادى. ول 10 جاسار بالا بولىپ شىقتى.
ول الەۋمەتتىك جەلىدەن تەرروريزم تاقىرىبىنا ارنالعان اقپارات كورىپ، ءماتىنىن كوشىرىپ، فوتوسۋرەتىن وڭدەپ، WhatsApp مەسسەندجەرى ارقىلى سىنىپتاستارىنا جىبەرگەن.
اتالعان فاكتى بويىنشا قىلمىستىق ءىس قوزعالدى.
بارلىق قاجەتتى تەرگەۋ امالدارى جۇرگىزىلۋدە. وقۋشىنىڭ اتا-اناسى قازاقستان زاڭناماسىنا سايكەس جاۋاپ بەرەدى.
پوليتسەيلەر جالعان تەرروريزم تۋرالى كورىنەۋ جالعان حابارلاما جانە شىندىققا ساي كەلمەيتىن اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكە سالدى.
ءتارتىپ ساقشىلارى تەك رەسمي اقپاراتقا سەنۋدى سۇرايدى.
جۋىردا اقتوبە مەن پاۆلوداردا الدەبىرەۋلەر مەكتەپكە بارىپ، وقۋشىلارعا وق جاۋدىرامىز دەپ قورقىتقان ەدى.
كەشە قاراعاندىدا ءدال وسىنداي جالعان حابار ءۇشىن 13 جاسار بالا ۇستالدى.
