بيىل 15,6 مىڭنان استام ەتنيكالىق قازاق قانداس مارتەبەسىن الدى

استانا. قازاقپارات - بيىلعى 1- قاراشاعا دەيىن ەلىمىزدە 15637 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى، دەپ حابارالايدى قازاقپارات.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، جالپى 1991 -جىلدان بەرى رەسپۋبليكاعا 1 ميلليون 103,5 مىڭ ەتنيكالىق قازاق ورالدى.

جىل باسىنان قازاقستانعا كەلگەن قانداستاردىڭ جارتىسىنان كوبى (%65,2) وزبەكستاننان، % 9,2 - قىتايدان، % 8,8 - رەسەيدەن، % 8 - تۇرىكمەنستاننان،% 4,8 - موڭعوليادان جانە % 4 باسقا ەلدەردەن ورالعان.

كەلگەن ەتنيكالىق قازاقتار نەگىزىنەن الماتى (%28,1)، ماڭعىستاۋ (%16,3)، تۇركىستان (%8,7) جانە جامبىل (%6,1) وبلىستارىنا، سونداي- اق استانا (%9)، شىمكەنت (%6,9) جانە الماتى (%5,5) قالالارىنا قونىستاندى.

«بيىلعى 1 قاراشاداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى % 59,6- دى، ەڭبەككە قابىلەتتى جاستان كىشى % 26,7- دى جانە زەينەتكەرلەر % 13,7- دى قۇرايدى.

ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا % 16- ى جوعارى ءبىلىمدى، % 39- ى ورتا كاسىبي ءبىلىمدى، % 43,1- ى جالپى ورتا ءبىلىمدى جانە % 1,9- ىنىڭ ءبىلىمى جوق»، - دەپ جازدى ۆەدومستۆودان.

فوتو: gov.kz