جامبىل وبلىسىندا جوعالىپ كەتكەن 15 جاستاعى قىز 3 كۇننەن سوڭ تابىلدى

ەسكە سالا كەتەيىك، وسىدان ءۇش كۇن بۇرىن ت. رىسقۇلوۆ اۋدانى قۇلان اۋىلىنداعى 15 جاسار قىزدىڭ ۇيىنەن تاڭەرتەڭ بەلگىسىز باعىتتا شىعىپ كەتىپ، قايتا ورالماعاندىعى تۋرالى حابارلانعان بولاتىن. ءجاسوسپىرىمنىڭ اقىل-ويى ارتتا قالعان جانە ۇيدەن وقىتىلاتىن بولعان.

پوليتسيا قىزمەتكەرلەرى بالانى ىزدەۋ بويىنشا دەرەۋ شارالار قابىلداپ، وعان ەرىكتىلەر دە جۇمىلدىرىلعان. ولار قىزدى 3 كۇن بويى ىزدەگەن. اۋىل جانە جاقىن اۋدانداردىڭ تۇرعىندارى اراسىندا ساۋالناما الىنىپ، جاس ءوسپىرىمنىڭ قۇرداستارىمەن جانە سىنىپتاستارىمەن اڭگىمە جۇرگىزىلگەن. ت. رىسقۇلوۆ اۋداندىق پوليتسيا بولىمىندە جوعالىپ كەتكەن قىزعا قاتىستى سوتقا دەيىنگى تەرگەۋ باستالعان.

قابىلدانعان شارالار ناتيجەسىندە قىز جامبىل اۋدانى ايشا ءبيبى اۋىلىنان تابىلدى. بالانىڭ ايتۋىنشا، ول اجەسىنە رەنجىپ، تاراز قالاسىنداعى اپكەلەرىنە بارعان. جانجالدان كەيىن بويجەتكەن ۆوكزال ايماعىنا بارىپ، ءوتىپ بارا جاتقان كولىكتەردەن ونى قالاعا جەتكىزۋىن وتىنگەن.

تارازعا جەتكەندە اپكەلەرىنىڭ ۇيىندە جوق ەكەنىنە كوز جەتكىزگەن. الەۋمەتتىك جەلى ارقىلى تانىسىنا حابارلاسىپ، جامبىل وبلىسىنىڭ ايشا ءبيبى اۋىلىنا بارىپ، سوندا 3 كۇن تۇراقتاعان. ونى پوليتسيا قىزمەتكەرلەرى تاۋىپ، اتا- اناسىنا جەتكىزدى.

«بۇگىندە جوعالىپ تابىلعان جاس ءوسپىرىمنىڭ ءومىرى مەن دەنساۋلىعىنا ەشقانداي قاۋىپ ءتونىپ تۇرعان جوق»، - دەلىنگەن حابارلامادا.