الداعى ءۇش كۇندە 15-25 گرادۋس اياز بولادى

نۇر-سۇلتان. قازاقپارات - سينوپتيكتەر 11-13-جەلتوقسانعا ارنالعان اۋا رايى بولجامىن جاريالادى، دەپ حابارلايدى قازاقپارات قازگيدرومەتكە سىلتەمە جاساپ.

«قازاقستاننىڭ سولتۇستىك جانە شىعىس جارتىسىندا العاشقى ايازدىڭ سوڭىن الا سولتۇستىك- باتىستان كەزەكتى انتيتسيكلون كەلەدى. ول الدىمەن باتىسقا، سودان كەيىن قازاقستاننىڭ سولتۇستىگىنە سۋىق اۋا تەمپەراتۋراسىنىڭ جاڭا تولقىنىن الىپ كەلەدى. ءبىراق بۇرىنعىداي قاتتى اياز ەمەس. بۇل ايماقتاردا تۇنگى ۋاقىتتا تەرمومەتر باعانى مينۋس 15-25 گرادۋسقا دەيىن تومەندەيدى. تەك وڭتۇستىك ايماقتاردا ءالى جىلى بولادى. ولارعا وڭتۇستىك سيكلون اسەر ەتەدى، ول مول جاۋىن- شاشىن اكەلەدى، كوكتايعاق بولۋى مۇمكىن، الايدا اۋا تەمپەراتۋراسى قولايلى بولىپ قالادى»، دەلىنگەن بولجامدا.