سەمەي ورمانىنداعى ورتتەن كوز جۇمعان 14 ورمانشىعا ەسكەرتكىش تاقتا ورناتىلادى
«سەمەي ورمانى» رەزەرۆاتىنىڭ بورودۋليحا اۋدانىنداعى جاڭاشۇلبى فيليالىنان شىققان ءورت 14 ورمانشىنىڭ ءومىرىن جالماعان بولاتىن.
ءتىلسىز جاۋمەن كۇرەسكەن باتىرلاردىڭ قۇرمەتىنە ەسكەرتكىش تاقتا قويىلادى. بۇل تۋرالى اۋدان اكىمدىگىنەن ءمالىم ەتتى.
«بورودۋليحا اۋدانىنا ق ر كاسىپوداقتار فەدەراتسياسىنىڭ ءتوراعاسى ساتىبالدى داۋلەتالين جۇمىس ساپارىمەن كەلدى. ساپار بارىسىندا ول ورمان ورتىنەن قازا بولعان ورمانشىلاردىڭ قۇرمەتىنە قويىلاتىن ەسكەرتكىش تاقتانىڭ ىرگەتاسىن قويۋ ءراسىمىن وتكىزىپ، مارقۇمداردىڭ تۋىستارىمەن كەزدەستى. تاقتا ۋسپەنكا اۋىلىندا ورناتىلادى»، - دەلىنگەن اقپاراتتا.
سونداي- اق ساتىبالدى داۋلەتالين «سەمەي ورمانى» مەملەكەتتىك ورمان تابيعي رەزەرۆاتى باسقارماسىنا بارىپ، بارلىق ون فيليالدىڭ كاسىپوداق مۇشەلەرىمەن كەزدەسكەن.
رەزەرۆات ديرەكتورى قايرات حاسەنوۆ ورتتەن كەيىن ءتورت اي وتسە دە، ءالى كۇنگە دەيىن ۋادە ەتىلگەن ءبىر دە ءبىر ءورت ءسوندىرۋ كولىگى الىنباعانىن ايتتى.
ەسكە سالايىق، بيىل 8-ماۋسىم كۇنى اباي وبلىسىنىڭ سەمەي ورمانى رەزەرۆاتىندا ءىرى ءورت تۇتاندى.
سالدارىنان 14 ورمانشى قازا بولعان.
