22:29, 06 - اقپان 2023 | GMT +6
قازاقستاندىق 14 جاسار تەننيسشى بارسەلوناداعى جارىستىڭ جەڭىمپازى اتاندى
استانا. قازاقپارات - قازاقستاندىق توميريس نۇرجان بارسەلونادا وتكەن Open Banc Sabadell U-14 Champion تۋرنيرىنىڭ جەڭىمپازى اتاندى، دەپ حابارلايدى قازاقپارات ءتىلشىسى.
قازاقستان تەننيس فەدەراتسياسىنان ءمالىم ەتكەنىندەي، 14 جاسار قازاقستاندىق تەننيسشى فينالدا جەرگىلىكتى ويىنشىنى 6:4، 6:2 ەسەبىمەن تىزە بۇكتىردى.
چەمپيونعا سىيلىقتى كاتالونيا مەرى تاپسىرىپ، ونىڭ جەڭىسكە دەگەن جىگەرىن اتاپ ءوتىپ، جاس قازاقستاندىقتى قولداۋعا دايىن ەكەندىگىن جەتكىزدى.
وسى جەڭىسىنىڭ ارقاسىندا توميريس سەگىز ۇزدىك تەننيسشىمەن بىرگە ءساۋىر ايىندا بارسەلونادا وتەتىن جارىستا ونەر كورسەتەدى. بۇل دودا ATP 500 تۋرنيرىمەن قاتار وتەدى.
ەسكە سالا كەتەيىك، بۇدان بۇرىن قازاقستاندىق تەننيسشىلەردىڭ الەمدىك رەيتينگىدەگى ورىندارى انىقتالعانىن جازعان بولاتىنبىز.
سونداي-اق يۋليا پۋتينتسيەۆا ءابۋ-دابيدە نەگىزگى جارىسقا جولداما الدى.