ەلىمىزدە وتكەن اپتادا 14 كىسى ءولىمى ءىزى سۋىماي اشىلدى
«ءبىر اپتا ىشىندە 2734 قىلمىس جاسالدى. ونىڭ ىشىندە 1673- ءى تاۋلىك ىشىندە اشىلدى. پوليتسيا قىزمەتكەرلەرى «ءىزىن سۋىتپاي» 14 كىسى ءولتىرۋدى، 5 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 1 قاراقشىلىق، 37 توناۋ جانە 362 بوتەن مۇلىكتى ۇرلاۋ قىلمىستارىن اشتى»، - دەدى شۇعىلا تۇرلىبەك ۆەدومستۆودا وتكەن ونلاين بريفينگىدە.
سونداي- اق، بريفينگ بارىسىندا قازاقستان مەن وزبەكستان اراسىنداعى ءوزارا ىنتىماقتاستىق ماسەلەسى ايتىلدى.
«ىشكى ىستەر ءمينيسترى مارات احمەتجانوۆ وزبەكستاننىڭ قازاقستانداعى توتەنشە جانە وكىلەتتى ەلشىسى سايديكرام نيازحودجايەۆپەن كەزدەستى. كەزدەسۋدە قىلمىسقا قارسى كۇرەس سالاسىنداعى ەكىجاقتى ىنتىماقتاستىق ماسەلەلەرى تالقىلاندى. سونىمەن قاتار، تاراپتار وزەكتى باعىتتار بويىنشا بىرلەسكەن ءوزارا ءىس- قيمىلدى دامىتۋدىڭ ودان ءارى پەرسپەكتيۆالارىن بەلگىلەدى»، - مينيسترلىك وكىلى.
اۆتور
داۋلەت ىزتىلەۋ