قىتاي عارىشقا 14 سپۋتنيك ۇشىردى
بۇل تۋرالى قازاقپارات شينحۋا اگەنتتىگىنە سىلتەمە جاساپ حابارلايدى.
قۇرامىندا «تسيلۋ-2» مەن «تسيلۋ-3» بار جاڭا سپۋتنيكتەر سولتۇستىك قىتايدىڭ شانسي پروۆينتسياسىنداعى تايۋان عارىش ايلاعىنان بەيجىڭ ۋاقىتىمەن 11:14 تە ۇشىرىلدى. بارلىق سپۋتنيك بەلگىلەنگەن وربيتالارىنا جىبەرىلدى. «تسيلۋ-2» مەن «تسيلۋ-3» دەگەنىمىز - مۇمكىندىگى جوعارى وپتيكالىق سپۋتنيك جانە ەكىنشىسى جەردى باقىلاۋعا ارنالعان وپتيكالىق بەينەلەۋ قۇرىلعىلارى بار كەڭ جولاقتى وپتيكالىق سپۋتنيك.
ولار قىتايدىڭ شىعىسىنداعى شاندۋن پروۆينتسياسىنا جەر رەسۋرستارىن، اۋىل جانە ورمان شارۋاشىلىعىن زەرتتەۋ، قورشاعان ورتانى قورعاۋ، سونداي-اق تابيعات اپاتتارىنىڭ الدىن الۋ مەن ولاردىڭ سالدارىن جەڭىلدەتۋگە قاشىقتان زوندىلاۋ قىزمەتىن ۇسىنادى. ايتىپ وتكەن سپۋتنيكتەر وربيتاداعى «تسيلۋ-1»، سپۋتنيگىمەن بىرلەسە جۇمىس ىستەيدى. «چانچجەن» سەريالى زىمىران-تاسىعىشتار 462-رەت ۇشىرىلىپ جاتىر.
«چانچجەن-2D» زىمىران- تاسىعىشىن قىتاي اەروعارىش عىلىمى جانە تەحنولوگياسى كورپوراتسياسى جانىنداعى شاڭحاي عارىش تەحنولوگيالارى اكادەمياسى جاساپ شىعاردى. بۇل زىمىران-تاسىعىش سەنىمدى ءارى بەيىمدەلگىش جانە زىمىران-تاسىعىشتىڭ بورتىندا سەريالىق نەمەسە پاراللەل ورنالاسقاندا ءبىر سپۋتنيكتى دە، سپۋتنيكتەر سەرياسىن دا ۇشىرۋ تالاپتارىنا جاۋاپ بەرەدى.
وسى ماقساتتا «چانچجەن-2D» زىمىران-تاسىعىشىنىڭ كومەگىمەن عارىشقا 7 ءتۇرلى جاساۋشىدان شىققان 14 سپۋتنيك ۇشىرىلدى. بۇعان دەيىن قىتاي 2023-جىلى عارىشقا 60 تان استام ۇشىرىلىم جاساپ، ۇلتتىق عارىش تاريحىنداعى رەكوردتى جاڭارتاتىنىن مالىمدەگەن بولاتىن.
ەسكە سالساق، قىتاي 2023-جىلى عارىشقا 60 تان استام كەمە ۇشىرادى.
