سوڭعى بەس جىلدا ەسىرتكى تۇتىناتىن بالالار مەن ەرەسەكتەر سانى 14 ەسە ارتقان

بۇل تۋرالى «اشىق» ن ق ا پورتالىندا جاريالانعان 2023-2027 -جىلدارعا ارنالعان مەملەكەتتىك جاستار ساياساتى تۇجىرىمداماسى تۋرالى قۇجاتتا كورسەتىلگەن، دەپ حابارلايدى قازاقپارات ءتىلشىسى.

«2022 -جىلعى 1-شىلدەدەگى دەرەك بويىنشا پسيحواكتيۆتى زاتتاردى پايدالانۋ سالدارىنان «پسيحيكالىق مىنەز-قۇلىق بۇزىلىستارى» دياگنوزى قويىلىپ، باقىلاۋعا الىنعان 18 بەن 29 جاس ارالىعىنداعى 6 مىڭنان استام قازاقستاندىق بار. ولاردىڭ %46 ى ەسىرتكى جانە پسيحوتروپتىق زاتتاردى قولدانۋ سالدارىنان وسى حالگە دۋشار بولعان. سينتەتيكالىق ەسىرتكىلەردى تۇتىناتىن ادامدار سانىنىڭ ايتارلىقتاي ءوسۋ ءۇردىسى بايقالادى. بەس جىل ىشىندە بۇل كونتينگەنت بالالار مەن ەرەسەكتەر اراسىندا 14 ەسە ءوستى. قازاقستان جاستارى اراسىنداعى اسا ماڭىزدى الەۋمەتتىك پروبلەما - سۋيتسيدتىڭ تارالۋى. دۇنيەجۇزىلىك دەنساۋلىق ساقتاۋ مالىمەتى بويىنشا 2019 -جىلى قازاقستان ەلدەر اراسىندا سۋيتسيد دەڭگەيى بويىنشا 20-شى ورىندا. 2019 -جىلى 3738 سۋيتسيد جاعدايى تىركەلدى»، - دەلىنگەن قۇجاتتا.

تۇجىرىمدامادا جازىلعانداي، سوڭعى بەس جىلدا 15-17 جاستاعى جاسوسپىرىمدەر اراسىندا قايعى اياقتالعان سۋيتسيدتەر سانى 13,3 پايىزعا، ال ءوز وزىنە قول جۇمساۋعا وقتالۋ فاكتىلەرى 37,1 پايىزعا وسكەن.