استانادا قوس جۇمىسشى 14-قاباتتان قۇلاپ، بىرەۋى قايتىس بولدى
استانا. قازاقپارات - بۇگىن استاناداعى كوپ قاباتتى تۇرعىن ءۇي كەشەندەرىنىڭ بىرىندە وقىس وقيعا بولدى، دەپ حابارلايدى قازاقپارات polisia.kz تەلەگرام كانالىنا سىلتەمە جاساپ.
استانا پوليتسياسىنا جۇمىسشىلاردىڭ جوعارعى قاباتتان قۇلاعانى تۋرالى حابارلاما تۇسكەن.
تۇرعىن ءۇي كەشەنىنىڭ 14-قاباتىنداعى قۇرىلىس جابدىعىندا تۇرعان ەكى جۇمىسشىنىڭ جەرگە قۇلاعانى انىقتالدى. ولاردىڭ ءبىرى سول جەردە قايتىس بولدى، ال ەكىنشىسى اۋرۋحاناعا جاتقىزىلدى.
وسى فاكتى بويىنشا سوتقا دەيىنگى تەرگەۋ باستالدى. قاجەتتى ساراپتامالار تاعايىندالدى.
