قازاقستاندىق اۋە كومپانيالارى 14 جاڭا ۇشاق ساتىپ الادى

نۇر-سۇلتان. قازاقپارات - وسى جىلدىڭ سوڭىنا دەيىن جالپى سىيىمدىلىعى 2,5 مىڭ ورىندى قۇرايتىن جاڭا اۋە كەمەلەرى پايدالانۋعا بەرىلەتىن بولادى.

اتاپ ايتقاندا، «SCAT» اۆياكومپانياسى 9 ۇشاق، «Fly Arystan» - 3 جانە «Air AstاnA « 2 ۇشاقپەن تولىقتىرىلادى.

بۇل تۋرالى ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ Telegram-داعى كانالىندا جازدى.

ۆەدومستۆو باسشىسىنىڭ پايىمداۋىنشا، بۇگىنگى تاڭدا اۋە كولىگىندەگى جولاۋشىلار اعىنىنىڭ كۇرت ءوسۋى بايقالادى. بۇل ءوز كەزەگىندە رەيستەردىڭ كەشىگۋىنە اكەپ سوعىپ، وتانداستارىمىزدىڭ نارازىلىعىن تۋدىرىپ وتىر.

«قالىپتاسقان ماسەلەنى جەدەل شەشۋ ماقساتىندا قازاقستاندىق اۆياتاسىمالداۋشىلارعا جاڭا ۇشاقتار ساتىپ الۋدى تاپسىردىم. وسىلايشا، جىلدىڭ سوڭىنا دەيىن جالپى سىيىمدىلىعى 2,5 مىڭ ورىندى قۇرايتىن 14 جاڭا ۇشاق پايدالانۋعا بەرىلەتىن بولادى. اتالعان شارالار تاسىمالداۋ سىيىمدىلىعىن ەداۋىر ارتتىرا تۇسپەك»، - دەپ جازدى مينيستر.

سونىمەن بىرگە اۋە تاسىمالدارىنا قاتىستى سۇرانىس جىلدان جىلعا ارتىپ كەلە جاتقاندىقتان، قازاقستاندىق اۋە كەمەلەرى پاركى 2025-جىلعا دەيىن 51 بىرلىككە ۇلعاياتىنى ءمالىم بولدى.

جالپى رەيستەردىڭ كەشىگۋ فاكتىلەرى بويىنشا ءتۇسىپ جاتقان شاعىمداردى ەسكەرە كەلە، ي ي د م باسشىسىنىڭ تاپسىرماسى بويىنشا ازاماتتىق اۆياتسيا كوميتەتى مەن قازاقستاننىڭ اۆياتسيالىق اكىمشىلىگى ءتيىستى تەرگەۋ امالدارىن باستاپ كەتتى. ەگەر جولاۋشىلاردىڭ قۇقىقتارىن بۇزۋ فاكتىلەرى انىقتالسا، ءتيىستى اۆياكومپانيالار اكىمشىلىك جاۋاپقا تارتىلاتىن بولادى.

سانداردى سويلەتسەك، قازىرگى ۋاقىتتا اۋە كەڭىستىگىندە جولاۋشىلاردى 75 ۇشاق تاسىمالدايدى. 2022-جىلدىڭ جارتى جىلىندا تاسىمالدانعان جولاۋشىلاردىڭ سانى وتكەن جىلدىڭ سايكەس كەزەڭىمەن سالىستىرعاندا %10 عا ءوسىپ، 4,6 ميلليون جولاۋشىنى قۇراپ وتىر. پاندەمياعا دەيىنگى كەزەڭمەن سالىستىرعاندا ءوسىم 28 پايىزدى قۇرايدى.